NAISAAYOS ng De La Salle University at Adamson University ang all-UAAP championship series makaraang pataubin ang kani-kanilang semifinals foes sa 2023 Shakey’s Super League (SSL) National Invitationals nitong Biyernes sa FilOil EcoOil Centre.
Nalusutan ng La Salle, ang reigning UAAP champion, ang nakapanghihinang five-setter kontra University of Santo Tomas upang maitakas ang 22-25, 25-18, 14-25, 26-24, 26-24 panalo sa larong tumagal ng dalawang oras at 34 minuto.
Tumapos si Alleiah Malaluan, gumawa ng game-winning point, na may 25 points sa 20 attacks at 5 service aces habang nag-ambag si Shevana Laput ng 23 markers.
Sa pagkatalo ng UST ay nabasura ang 29 puntos na kinamada ni Angeline Poyos, gayundin ang 25-point game ni lefty opposite hitter Regina Jurado.
Samantala, magaan na dinispatsa ng Lady Falcons ang University of Perpetual Help System DALTA ng NCAA, 25-19, 25-21, 25-16, sa kanilang sariling semis bracket upang umabante sa finals.
Nanguna si Ayesha Juegos para sa Adamson na may 29 points mula sa 16 attacks, 11 aces, at 2 blocks habang nagbuhos si Ma. Rochell Lalongisip ng 21 points sa larong tumagal lamang ng isang oras at 23 minuto.
Sisimulan ng La Salle at Adamson ang kanilang best-of-three finals series sa Miyerkoles sa parehong venue.
Maghaharap naman ang Perpetual at UST para sa bronze medal.
Related posts:
SSL: LA SALLE-ADAMSON TITLE SHOWDOWN SIMULA NA
SSL CROWN SA LADY SPIKERS
LA SALLE, ADAMSON SA KRUSYAL NA LARO
LADY SPIKERS PERFECT PA RIN
ISA NA LANG SA LADY SPIKERS
D-LEAGUE: SEMIS ‘WAR’ SISIKLAB NA (La Salle vs Perpetual; Letran vs San Beda)
D-LEAGUE: LA SALLE, LETRAN DUMIKIT SA FINALS
D-LEAGUE: FINALS TARGET NG LA SALLE, LETRAN