HINDI inakala ng isang babaeng drug pusher na nasa drug watch list na pulis ang kanyang nabentahan ng shabu mat-apos itong maaresto sa isinagawang buy bust operation sa Navotas City, kahapon ng madaling araw.
Kinilala ni Navotas Police Station Drug Enforcement Unit (SDEU) head PCI Ilustre Mendoza ang naarestong suspek na si Lea Rodriguez, 41, ng Blk. 6 Bagong Silang St., Brgy. San Jose.
Sa imbestigasyon ni PO2 Jaypee Mañalac, ala-1 ng madaling araw nang ikasa ng mga operatiba ng SDEU sa pangunguna ni PCI Mendoza ang buy bust operation kontra sa suspek sa Bagong Silang St.
Nagawang makapagtransaksiyon sa suspek ni PO1 Bryan Greg Calixto na nagpanggap na buyer kapalit ng P300 marked money at nang suminyas ito na nagkaabutan na agad sumalakay ang nakaantabay na mga operatiba at inaresto si Rodriguez. VICK TANES
Comments are closed.