IGINIIT ni Senador Christopher ‘Bong’ Go na dapat tulungan ang locally stranded individuals (LSIs) na makauwi sa kanilang pamilya sa probinsiya subalit dapat masunod ang health protocols.
Ani Go, nasa patakaran ng Inter-Agency Task Force (IATF) na kung kailangang i-swab test o rapid test ang mga LSI para hindi makapagdala ng sakit sa mga probinsiya sakaling carrier sila ng COVID-19.
Dapat aniyang prayoridad ang kalusugan ng bawat Filipino bagaman hindi puwedeng ipagpaliban ang kanilang pag-uwi sa mga lalawigan basta nasusunod ang health protocols.
Kinumpirma naman ni Go na ipinag-utos ni Pangulong Rodrigo Duterte na huwag pabayaan ang mga LSI, pakainin at tulungan hanggang makauwi sa kanilang mga probinsiya.
Aminado ang senador na marami na sa mga ito ang lumapit at nakikiusap na kahit walang makuhang tulong sa gobyerno basta makauwi lang at makasama ang kanilang mga pamilya sa probinsiya.
Muli namang nilinaw ni Go na suspended ang Balik Probinsiya program dahil inuna muna ang mga LSI at returning OFWs kasabay ng paglilinaw na proponent lang siya at ang Executive Branch na ang implementing body. VICKY CERVALES
Related posts:
(Para kunin ang med supplies at stranded Filipino) 2 BARKO NG NAVY NASA INDIA NA
TULUNGAN ANG MGA ISTRANDED NA MANGGAGAWA SA MM – GO
(Ipagkakaloob ng gobyerno sa mga apektado ng travel ban sa China, HK at Macau) TULONG SA STRANDED NA OFWs
(Sa banta ng COVID-19) PUBLIKO PINAKALMA NI DIGONG
(Sa MV Diamond Princess) 41 PINOY NA ANG POSITIVE SA COVID-19
PINOY SA SINGAPORE POSITIVE SA COVID-19
ISRAEL AT LEBANON MAY NAITALANG KASO NG COVID-19
(Nasa iba’t ibang bansa) 63 PINOY POSITIVE SA COVID-19
Comments are closed.