(Lumabas sa exit polls) BBM 85% NG MGA BOTO NG OFWs SA HK, 83% SA QATAR

LUMABAS sa exit polls sa Hongkong at Qatar na si presidential frontrunner  Ferdinand ‘Bongbong’ Marcos, Jr. ay nakakuha ng 85% at 83% ayon sa pagkakasunod-sunod ng mga boto ng OFW sa opisyal na pagsisimula ng overseas absentee voting noong Linggo (Abril 10).

Si Bryan Calagui, isang OFW na nakabase sa Hongkong, ay nagsagawa ng unofficial tally mula alas-8 ng umaga hanggang alas-6 bg gabi at nakakuha ng data mula sa hindi bababa sa 5,000 na mga botante.

Ang mga tala ni Calagui ay nagpakita na ang Partido Federal ng Pilipinas (PFP) standard-bearer ay nanalo sa kanyang mga karibal at nakakuha ng 3,357 boto.

Sa napakalayong sumunod  ay si  Leni Rob­redo na may 65 boto, sinundan ni Isko Domagoso na may 18 boto,  at Manny Pacquiao na may 15 boto.

Si Ping Lacson ay hindi pa nakakapagrehistro ng kahit isang boto nang huminto sa botohan si Calagui.

Samantala, si Annaliza Segura, isang OFW na nakabase sa Qatar, ay nagsagawa ng katulad na exit poll kung saan ipinakita ni Marcos  na na-corner ang 83% ng mga boto roon.

Ibinahagi niya ang mga resulta ng exit polls sa isang post sa Facebook noong Linggo ng gabi.

Makikita sa mga tala ni Segura na sa kabuuang 566 na boto, nakakuha si Marcos ng 538.

Napakalayo pa rin ni Leni Robredo sa ikalawang puwesto na may 22 boto.

Ang mga exit poll ay itinuturing na maaasahang mga predictor ng isang resulta ng halalan dahil ang impormasyong nakuha ay mula sa aktwal na mga botante na bumoto sa araw ng halalan.

Ang mga numero ni Marcos sa exit polls ay nagpapatunay sa kanyang patuloy na pangingibabaw sa mga survey bago ang halalan at ang lumalagong pinagkasunduan sa mga political observers na malamang na siya ang     unang mayoryang presidente ng bansa na mahalal sa isang multi-party setup.

Patuloy na isinusulong ni Marcos at ng kanyang runningmate na Davao Mayor Inday Sara Duterte ang pagkakaisa ng mga Pilipino bilang unang mahalagang hakbang tungo sa pagbangon mula sa pandemya ng COVID-19 at muling pagbuhay sa ekonomiya.

Ang mga survey  ay nagpakita na ang mabigat na duo ay tinatamasa ang buong suporta ng mayorya ng mga botante.

Gayundin, ang mga dekada ng track record at solidong pagganap nina Marcos at Inday Sara sa serbisyo publiko ang mga pangunahing dahilan kung bakit sila ang pinakagusto sa mga kandidato.

Sa datos ng Commission on Elections (Comelec), mayroong 93,886 na rehistradong overseas absentee voters sa Hong Kong at 40,519 na rehistradong botante sa Qatar.

Samantala, idinagdag ni Calagui na maraming tao ang nakapila sa mga polling precinct sa Kennedy Town sa oras na umalis siya sa lugar.

Sinabi rin ni Calagui na babalik siya para ipagpatuloy ang kanyang hindi opisyal na exit polling sa susunod na Linggo.

Umapela ang Konsulado ng Pilipinas sa Hong Kong sa mga botanteng Pilipino na pumili ng iba pang mga araw para bumoto para maiwasan ang mahabang pila tulad ng nakita noong Linggo, na umaabot ng hanggang dalawa kilometro.

Mayroon lamang limang itinalagang presinto ng botohan sa Hong Kong, at ang bawat site ay kaila­ngang tumanggap ng hanggang 20,000 botante.

Ang Overseas Absentee Voting ay tatagal hanggang Mayo 9, 2022, araw ng halalan sa Pilipinas.