CAVITE – Pito-katao kabilang ang mag-uutol na patuloy sa kanilang drug trade kahit Semana Santa ang nasakote ng mga awtoridad sa ikinasang anti-drug operation sa bahagi ng Parkdale 1 sa Barangay Anabu, Imus City, Cavite noong Biyernes Santo ng umaga.
Nahaharap sa kasong paglabag sa RA 9165 ang mga suspek na sina Mark Carlos “Caloy” Camama y Samuel, 28; Jash Renzel Matario y Penalosa, 20; Romigildo Cortez y Daguno, 52; Antonio Cortez y Daguno, 54, kapuwa nakatira sa Golden City Subd., Imus City; Armando Cortez y Daguno, 64; Royce Saquilayan y Sayaman, 51; at si Paulino Ormilla y Bersamin, 52.
Base sa police report na naisumite sa Camp Pantaleon Garcia, nasamsam sa mga suspek ang 11 plastic sachets na shabu, P300 marked money at ilang drug paraphernalia.
Nabatid na walang sinasantong araw ang mga suspek sa pagtutulak ng droga kahit na Semana Santa kaya bumuo ng arresting team ng pulisya at PDEA4A upang isagawa ang anti-drug operation.
Hindi na nakapalag ang mga suspek makaraang maaktuhan sa drug trade kung saan nag-Semana Santa sa police detention facility.
Isinailalim na rin sa chemical analysis ang nasamsam na droga habang pina-drug test at physical examination ang mga suspek. MHAR BASCO
Related posts:
5 DRUG COURIERS BAGSAK SA SELDA
3 DRUG COURIERS ARESTADO SA P200K SHABU
7 DRUG COURIERS KALABOSO SA P2.3-M SHABU
136 VIOLATORS NG GCQ, 14 DRUG COURIERS NALAMBAT
2 DRUG COURIERS HULI SA P1.3-M SHABU
132 GCQ VIOLATORS, 31 DRUG COURIERS ARESTADO
53 DRUG COURIERS, 59 MGCQ VIOLATORS ARESTADO
2 DRUG COURIERS TIKLO SA P3.4M SHABU
Comments are closed.