BULACAN – DALAWANG most wanted persons sa Baliwag, Bulacan ang naaresto sa magkahiwalay na operasyon ng tracker teams ng Bulacan Police nitong Agosto 3 sa nasabing bayan.
Sa pahayag ni PCol. Chito Bersaluna, direktor ng Bulacan-PNP, unang naaresto si Agapito De Guzman y Evangelista, 57-anyos, No. 2 Lambat Sibat most wanted person sa kanyang pinagtataguan sa Brgy. Sta Barbara, Baliuag, Bulacan sa paglabag sa RA 6539 o Anti Carnapping Act na walang inirekomendang piyansa.
Naaresto rin si Anthony Natividad y Binuya, 23-anyos, No. 9 most wanted person sa Brgy. Makinabang, Baliuag, Bulacan sa paglabag sa Violation of Section 5(b) of RA 7610.
Nabatid na si Natividad ay miyembro ng “Michael Delos Reyes Criminal Group” na sangkot sa gun for hire activities na kumikilos sa San Ildefonso, San Rafael at sa iba pang mga bayan sa Bulacan. A. BORLONGAN
Comments are closed.