MAAARI nang muling pumasada ang mga motorcycle taxi makaraang payagan ng Kamara ang pagpapatuloy ng pilot study sa naturang moda ng transportasyon.
Ayon kay Presidential spokesperson Harry Roque, ang ‘go signal’ ay ibinigay ng Inter-Agency Task Force for the Management of Emerging Infectious Diseases (IATF) noong Huwebes makaraang suportahan ng House transportation committee ang pagbabalik ng operasyon.
Ani Roque, ang guidelines ay ipalalabas ng Land Transportation Franchising and Regulatory Board (LTFRB).
“Mabuting balita po iyan kasi pupuwede naman tayong mag-Angkas o mag-Joyride,” pahayag ni Roque sa Laging Handa briefing.
Nauna rito ay sinabi ni Angkas chief transport advocate George Royeca na nakahanda ang Angkas na magserbisyo sa mga commuter kasabay ng pagtiyak na ang partner-drivers nito ay sumailalim sa pagsasanay sa tamang pag-disinfect ng sasakyan matapos ang kada biyahe.
Aniya, gagamit ang kompanya ng cashless payment schemes, IATF-approved barriers sa pagitan ng rider at ng pasahero, at hindi papayagan ang hiraman ng helmets.
Related posts:
HIRIT SA DOTr, LTFRB: BIYAHE NG JEEP SANA ALL
PROV’L BUS TRIPS SA METRO TARGET NG LTFRB NA IBALIK NGAYONG BUWAN
LTFRB SA PUV OPERATORS: FEES SA CASHLESS CARDS ALISIN
TANIM-PUNO MUNA BAGO PUV FRANCHISE SIMULA SA DISYEMBRE
P802-M CASH AID SA PUV OPERATORS NAIPAMAHAGI NA NG LTFRB
(Ihihirit sa LTFRB) P7 DAGDAG-PASAHE SA BUS
(Aprub na sa LTFRB) P1 PROVISIONAL FARE HIKE SA JEEPNEY
(Target ipamahagi sa Hulyo) 2ND TRANCHE NG FUEL SUBSIDY
Comments are closed.