MAHIGIT sa 900 mula sa 9,003 fuel retail outlets sa bansa, o mahigit sa 10%, ang ipinatupad na ang 3rd at final excise tax hike sa ilalim ng Tax Reform for Acceleration and Inclusion (TRAIN) Law.
Ayon sa Department of Energy (DOE), nakatanggap na sila ng abiso mula sa Shell, Caltex, Seaoil, Total, PTT, at Petro Gazz kaugnay sa implementasyon.
Ang final hike ay epektibo noong Enero 1, ngunit maaari lamang ipatupad sa bagong stocks na nabili sa 2020, at hindi sa mga langis na prinodyus o inangkat noong 2019. Ang lumang stocks ay kailangan muna umanong ubusin.
Sa ilalim ng final hike, ang diesel ay tumaas ng P1.50 per liter, habang ang gasoline at liquefied petroleum gas (LPG) ay may P1 na pagtaas.
Ayon sa DOE, ang mga gasolinahan ay kailangang mag-display ng sign na nagtataglay ng petsa ng kanilang excise tax hike implementation at kung ano-anong produkto ang sakop nito.
“The DOE has been undertaking all necessary measures to ensure that all tranches of excise taxes on petroleum products are properly implemented,” paliwanag ng ahensiya.
Ang final tranche ay naghatid sa excise tax hike sa karamihan sa mga produktong petrolyo sa kabuuang P10 per liter magmula nang ipatupad ang TRAIN law noong 2017. PILIPINO MIRROR REPORTORIAL TEAM
Related posts:
(Epekto ng serye na oil price hike) TAAS-PRESYO SA MANOK, GALUNGGONG
(Apela sa gobyerno) PRESYO NG TINAPAY, NOODLES PATATAGIN
(Posible sa susunod na linggo) P8-12/LITRO NA TAAS-PRESYO SA PETROLYO
(Simula ngayong Martes) P7-13/LITRO NA TAAS-PRESYO SA PETROLYO
(Posible sa susunod na linggo) ROLBAK SA PRESYO NG PETROLYO
(Dahil sa oversupply) SIBUYAS BAGSAK ANG PRESYO
(Inaasahan sa mga susunod na linggo) TAAS-PRESYO SA AGRI PRODUCTS
(Sa ikalawang sunod na linggo) PRESYO NG PETROLYO MAY BAWAS