(Natakot sa banta ni Duterte) SUMUSUKONG PRESO DUMARAMI

PILIPINO Mirror
Duterte

CAMP CRAME – NADARAGDAGAN pa ang bilang ng mga presong napalaya sa ilalim ng Good Conduct Time Allowance (GCTA) Law.

Kahapon ng umaga, batay sa ulat sa Camp Crame, 13 na ang sumuko sa Philippine National Police (PNP).

Batay ito sa monito­ring ng National Operation Center ng PNP simula alas-12:00 ng hatinggabi noong  Setyembre 5, ilang oras makaraang magsalita si Pangulong Rodrigo Duterte hinggil dito.

Sa ulat, 11 sa mga preso ay sumuko sa mga Police Station sa Region 2.

Isa ang sumuko sa police station sa Region 7 at isa sa National Ca­pital Region Police Office (NCRPO).

Ang mga kaso ng mga ito ay lima ang murder, tatlo ang rape, dalawa ang robbery with rape, isa ang murder and robbery, isa ang attempted rape with homicide at ang isa naman ay lumabag sa RA 6425.

Samantala, may ulat din na may nagsisuko sa  headquarters ng Bureau of Correction sa Muntinlupa City, 20 naman sa Cagayan at tig-isa sa Cebu, Laguna at Ifugao na may kabuuang  33 na ang sumuko. REA SARMIENTO/VERLIN RUIZ

Related posts:

Manila City JailRIOT SA MCJ, 30 PRESO SUGATAN presoPRESO GINAWANG DRIVER, POLICE OFFICIAL TIKLO PresoPULIS BAWAL MA-IN LOVE SA MGA PRESO (Sa ikalimang SONA ni Pangulong Duterte) RALIYISTA SUMUNOD SA PROTOCOLS–SINAS Gen Bernard Banac(5TH SONA ni Pangulong Duterte:) EXTRA ORDINARY – PNP SPOKESMAN GEN. BANAC (8,000 pulis, 30 sniffing dogs ikinalat) preso200 PRESO SA NAVOTAS CITY JAIL LAYA NA presoJAIL BREAK: 15 PRESO NAKAPUGA swab testPRESO SWAB TEST MUNA BAGO LAYA

Comments are closed.