NCRPO AT DOH NAGSANIB PUWERSA VS COVID-19

PILIPINO Mirror
Debold Sinas

MAYNILA – IPINAHAYAG ni National Capital Region Police Office (NCRPO) Police Major General Debold Sinas na sila ay naki­pagsanib puwersa na sa Department of Health (DOH) sa pagkontrol ng Coronavirus disease 2019 (COVID-19)  kasunod nang dekla­rasyon ng Code Red Alert.

Sa pagbisita ni Sinas kay DOH Secretary Franscisco Duque III ay nagkasundo ang dalawang ahensiya kung saan ay magsisilbing first responders ang mga pulis sa pagtugon sa kaso ng COVID-19 na rito ay may nakahanda nang Quick Reponse Team (QRT) ang NCRPO.

Ang QRT NCRPO ay binubuo ng nurses, mga doktor, may sari­ling behikulo na handa sa anumang oras ng deployment at may expert police personnel na sasanayin sa pagsusuri kasama ng mga tauhan mula sa Research Institute for Tropical Medicine (RITM).

Bukod sa QRT NCRPO ay nagtalaga rin si Sinas ng NCRPO COVID-19 hotlines na maaaring tawagan gaya ng mga sumusunod: Regional Headquarters – 09562817917; Eastern Police District – 09663151588; Manila Police District – 09065982671; Northern Police District – 09171364073; Que­zon City Police District – 09959540408 at Southern Police District – 09053717275.

Sinabi rin ni Sinas na sisikapin ng NCRPO na makatulong  laban sa pagkalat ng COVID-19 at titiyakin niya na may sapat na kaalaman ang mamamayan hinggil sa virus.

Kaugnay nito ay sinabi rin ni Sinas na bumabalangkas na sila ng guidelines kung ano ang gagawing pag-iingat hanggang sa lebel ng pamilya.

Inanunsiyo ni Sinas na kanselado na ang pag-aaral at biyahe sa ibang bansa ng mga pulis lalo na at hindi naman emergency. MARIVIC FERNANDEZ

Related posts:

Rosette Vergeire(Tunay na numero malalaman kapag natapos ang testing) BILANG NG COVID-19 ARTIFICIAL RISE LAMANG -DOH Health Secretary Francisco Duque III(Magandang balita ng DOH:  2 pang positibo nakarekober) 28 PASYENTE GUMALING SA COVID-19 Test KitONLINE BUYING NG COVID-19 RAPID TEST KITS BAWAL-DOH COVID-19 TESTING KITSDOH MAGRERESERBA NG TEST KITS PARA SA CORONAVIRUS Cascolan(Para sa PCR testing for COVID-19) PNP-ASCOTF NAG-REQUEST SA DOH NA SANAYIN ANG KANILANG 15 PERSONNEL Default Thumbnail(Lumalaking bilang ng positive dahil sa mass testing) MGA NAKAREKOBER SA COVID-19 NASA 700 NA Default ThumbnailDOH: ARAW-ARAW MALAKI ANG BILANG NG NAKAREREKOBER SA COVID-19 Default Thumbnail(1,043 nabigyan ng second life) GUMALING SA COVID-19 MATAAS NG HALOS 50% SA MGA IGINUPO

Comments are closed.