NEGOSYO TINUTUKAN (P1K kapital napalago)

ANG pagnenegosyo ay wala nga namang kasiguraduhan. Puwedeng lumago kaagad ito at tangkilikin ng mga customer. At puwede rin namang malugi. Iba’t iba ring pagsubok ang puwede nating kaharapin sa pagtatayo ng maliit man o malaking sari-sari store o carinderia. Pero para lumago, payo ng ating bidang tindera ay ang pagiging tutok sa negosyo. At higit sa lahat, iwasan ang pagkuha ng walang bayad.

Ang ating tindera na si Merlita C. Atchera na 60-anyos na. Matatagpuan ang kanyang tindahan na Atchera Store sa Western Bicutan Taguig City.

Isanlibo lang ang naging paunang puhunan ni Merlita. Pero dahil sa tutok siya sa kanyang negosyo, paunti-unti ay lumaki ito. Gaya nga naman ng ibang negosyo na nagsimula sa maliit na halaga hanggang sa lumaki ito nang lumaki.

Pero gaya rin ng maraming negosyante, marami ring kinaharap na problema ang ating bida. Isa nga riyan ay ang pagkawala ng mga taong kumukuha sa kanyang mga paninda at hindi pagre-remit. Dito pa lang ay malaki na ang nagiging lugi o nawawala sa kanyang kita.

Para malampasan naman ito, isang para­an namang ginawa ni Merlita ay ang pagpili ng mga taong alam niyang mapagkakatiwalaan niya at may takot sa itaas.

Sa tulong din ng Panginoon ay nalagpasan ni Merlita ang ganoong mga pagsubok at problema. Nai-apply niya rin ang kanyang natutunan at na-pag-aralan sa STAR.

Nagsusumikap din ang ating bida para mapalago pang lalo ang kanyang tindahan. Sa tuwing may naibebenta rin siya o kinikita sa kanyang negosyo ay bumibili rin kaagad siya ng ilalagay sa kanyang tindahan na mas mabenta.

“Ganoon lang lagi at makikita mong marami na ang mga paninda ko. Ibig sabihin ay lumalago na siya,” kuwento pa ng ating bida.

Para naman makuha ang loob ng customer ay kinakaibigan ni Merlita ang mga ito at kinukuwentuhan para ma-empower. Halimbawa na nga riyan ang pagsa-suggest niya kung anong produkto ang maganda at bagay sa kanyang customer. Gayundin kapag mayroong promo.

Kaya’t payo ng        ating bidang si Merlita C. Atchera sa mga kagaya niyang gustong magnegosyo, “Kaila­ngang tutukang mabuti ang negosyo para mapalago at iwasan ang pakuha ng walang ba­yad.” CHE SALUD

Related posts:

5 PARAAN PARA PALAGUIN ANG NEGOSYO MO NGAYON 6 BAGAY NA DAPAT TANDAAN KUNG NAIS IBENTA ANG NEGOSYO 4 NA MAKABAGONG TEKNOLOHIYA PARA SA IYONG NEGOSYO PAANO NAGKANEGOSYO ANG ISANG EMPLEYADO BUHAYIN ANG NEGOSYO GAMIT ANG SARILING TRUCK MO! 5 USAPING LEGAL NA NAKALILIGTAAN NG MGA STARTUP NA NEGOSYO 3 IMPORTANTENG DAPAT GAWIN BAGO MAG-LAUNCH NG STARTUP NA NEGOSYO P1.7-B LOANS SA MALILIIT NA NEGOSYO