(Ngayong holiday season)OPERATING HOURS NG MRT-3 PINAIKLI

MAGPAPATUPAD ng mas maikling operasyon ang MRT-3 ngayong holiday season.

Ayon sa pamunuan ng MRT-3, sa December 24 at 31 ay darating ang unang tren sa North Avenue Station ng alas-4:37 ng madaling araw at ang huling tren naman ay alas-7:48 ng gabi.

Darating naman ang unang tren mula sa Northbound trip sa Taft Avenue station dakong alas-5:18 ng madaling araw at ang huling biyahe ay alas-8:26 ng gabi.

Sa araw ng Pasko at Bagong Taon ay asahan ang mas mahabang operating hours ng MRT-3, ngunit darating ang mga tren nang mas huli sa regular na oras ng operasyon nito.

Darating ang unang tren sa North Avenue station bandang alas-6:30 ng umaga at ang huli naman ay aalis ng alas- 9:30 ng gabi habang ang unang biyahe mula sa Taft Avenue station ay darating alas-6:30 ng umaga at ang huli ay alas-10:09 ng gabi.

DWIZ 882