NORTH COTABATO – HINILING ni National Irrigation Administration (NIA) Chief, Ricardo Visaya na imbestigahan ang pananambang sa isang mataas na kawani ng nasabing ahensiya sa Region 12, sa bayan ng Pikit.
Nakilala ang biktima na si Bryan Aman Maliganan, 35, may asawa at residente ng Brgy. Batulawan.
Sakay ang biktima ng kanyang motorsiklo at binabagtas ang national highway sakop ng Brgy. Batulawan sa bayan ng Pikit nang maipit ito sa traffic. Bigla umanong lumitaw ang riding in tandem suspects at saka dinikitan ang biktima at pinagbabaril ito gamit ang kalibre .45 na pistola
Ayon kay Pikit chief of police, Captain Mautin Pangandigan, target na ng kanilang inilunsad na manhunt operation ang suspek na nasa likod ng pananambang.
Mabilis namang tumakas ang mga namaril patungo sa liblib na lugar sa Pikit.
Agad ding nadala ang biktima sa Cadulong Medical Hospital ngunit inilipat din sa isang malaking pagamutan sa Kidapawan City dahil sa maselang tama nito sa ulo at likod.
Sa ngayon ay nagpapatuloy ang imbestigasyon ng Pikit-PNP sa pamamaril sa biktima. VERLIN RUIZ
Related posts:
MARITIME POLICE TINAMBANGAN
(Kasamang doctor nadale rin) KALIHIM NG SANGGUNIAN PATAY SA PANANAMBANG
HEPE NG CIVIL SECURITY UNIT NG BULACAN TINAMBANGAN
BRGY CHAIRMAN UTAS SA PANANAMBANG
AMA NG YUMAONG AKTRES PATAY SA PANANAMBANG
LADY LAWYER TINAMBANGAN
MANUGANG NG SB MEMBER NAPAGKAMALAN, TINAMBANGAN
2 AHENTENG SUNDALO TODAS SA PANANAMBANG
Comments are closed.