ONLINE APPOINTMENT IPINATIGIL NG IMMIGRATION

IPINATIGIL ng Bureau of Immigration (BI) ang online appointment sa mga dayuhan sa main office ng Immigration dulot sa reimposition ng modified enhanced community quarantine  (MECQ) sa Metro Manila.

Sa pamamagitan ng isang public advisory ni BI Commissioner Jaime Morente, inabisuhan ang kanilang mga kliyente  na  mga mayroong mga confirmed appointments mula Agosto 3 hanggang 18 ay kinakailangang mag-re-apply  para sa new  schedules pagkatapos ng MECQ na ipinatutupad ng pamahalaan.

Ngunit mananatili ang online appointment system para sa mga dayuhan  na gustong humingi ng Immigration Clearance Certificate (ECC) re-entry permit at para sa update ng kani-kanilang extension fees.

Samantala, ipinagbibigay alam ng BI sa mga outbound foreigner na magdala ng confirmed flight bookings o plane tickets bago pumasok sa bakuran ng immigration.

Sa kasalukuyan ay suspendido ang mga transaksiyon  sa Immigration main office kabilang ang applications for conversion  o renewal  ng immigrant visa, petition for recognition as Philippine citizens, at  dual citizenship, downgrading ng  visa status, tourist visa extension, special work permits (SWP) at provisional permit to work (PPW), renewal ng  alien certificate of registration (ACR I-Cards), at implementasyon ng aplikasyon  ng  visa conversion o extension.

Ipinagbibigay alam  din sa  mga departing alien na may tourist visa at  lampas ng anim na buwan na sa bansa na  magbayad na lamang ng kanilang visa extention sa airport. FROI MORALLOS