NAKATAKDANG humirit ng taas-pasahe ang ilang transport group sa pagpasok ng buwan ng Enero.
Ayon kay Pasang Masda President Obet Martin, maghahain sila ng petisyon para hilinging maitaas sa P11.00 ang kasalukuyang P9.00 na minimum o unang apat na kilometrong pamahase sa mga jeepney.
Iginiit ni Martin, kasunod ito ng inaasahang 1.50 sentimos na taas presyo sa krudo simula sa Enero dahil sa epekto ng tax reform law.
Aniya, masyado nang mabigat ito para sa mga jeepney driver na nasa P400 hanggang P600 lamang ang kita sa bawat 14 hanggang 16 na oras na pamamasada.
Sinabi naman ni Fejodap President Zeny Maranan na posibleng tumaas pa sa P12 ang kanilang hirit para sa minimum na pamasahe lalo na kung papalo sa P59.00 ang kada litro ng diesel.
Sa kabila naman nito, nangako si Maranan na hindi sila magsasagawa ng transport strike sakaling hindi agad matugun-an ang kanilang petisyon para sa taas-pasahe. DWIZ882
Related posts:
(Sa gitna ng oil price hikes) TAAS-SINGIL SA PASAHE MALABO
TAAS-SINGIL SA PASAHE PINALAGAN NG DOTR
(Inihirit sa LTFRB) P15 TAAS-SINGIL SA BASE FARE SA TNVS
(Binuhay ng transport groups) HIRIT NA P14 MINIMUM JEEPNEY FARE
Sa ilalim ng Duterte admin – DAGDAG-SINGIL SA PASAHE MALABO NA
(Ihihirit sa LTFRB) P7 DAGDAG-PASAHE SA BUS
(Giit ng transport group)BAWAS-SINGIL SA PASAHE PREMATURE
(Dahil sa dagdag na fuel surcharge) PASAHE SA EROPLANO TATAAS
Comments are closed.