PAANO MO BA MAIMA-­MARKET ANG IYONG BUSINESS?

HELLO, mga BES! Welcome ulit sa isa na namang Usapang Business, Entrepreneurship at samu’t sari pang iba! Ngayong linggong ito, ating  pag-usapan, ngayong may negosyo ka na, paano mo ba ito maima-market para mas dumami pa ang iyong customers at lumago ang iyong kita. Narito ang ilang mga hakbang na maaari nating gawin.

MAGSAGAWA  NG MARKET RESEARCH

Ang pagkakaroon ng market research ay mahalaga para sa ikauunlad ng iyong negosyo. Hindi naman ito kailangang maging sobrang kumplikado. Ilang halimbawang pagre-research ay ang pagtatanong sa iyong mga existing customer kung ano pa ba ang puwedeng i-improve sa iyong produkto, o kaya naman ay ano pa ba ang product na puwede mo pang mai-offer sa kanila. Isa pang halimbawa nito ay ang competitor scan o pagtingin sa ginagawa ng competition. Ito ay mahalaga rin para mas mapaganda mo pa ang iyong product at service.

​KILALANIN ANG IYONG CUSTOMERS

Mahalaga na kilala mo ang iyong customers. Hindi lang basta kilala, kundi KILALANG- KILALA. Ibig sabihin nito, dapat ay klaro para sa ‘yo kung sino ang iyong target market. Ilan sa mga tanong para malaman mo ito ay, “Ilang taon ang customers mo?”, “Sila ba ay nasa anong economic category?”, “Ano ang specific product na hanap nila?”. Mga halimbawa lamang ‘yan ng mga tanong na makatutulong sa ‘yo para makilala ang iyong mga customer.

​MAGKAROON NG “UNIQUE SELLING PROPOSITION”

Simple lamang ito. Ano ba ang mayroon sa iyong product or service para ikaw ang piliin ng mgamamimili? Dapat ito ay clear at concise upang madaling matandaan at tumatak sa isipan ng iyong mga target na customer.

​I-DEVELOP ANG IYONG BRAND

Mahalaga sa negosyo ang isang “strong brand”. Ito ay makatutulong upang madaling makilala ng mga tao ang iyong produkto o serbisyo. Dapat ito ay sakto rin sa iyong unique selling proposition. Ang magandangbrand ay ‘yung may “connect” sa iyong target customers.

​MAGLAAN NG  BUDGET PARA SA MARKETING

Importante rin sa negosyo na maglaan kahit paano ng budget para sa marketing. Katulad sapanahon ngayon na social media ang isa sa pinakagamit na marketing channel, maaaring maglaan ng budget para sa boosting o kaya naman ay mga digital ads para makatulong i-advertise ang iyong product or service.

​ALAGAAN ANG IYONG CUSTOMERS

Ang pinaka-importanteng klase ng marketing ay ang pag-aalaga sa ating mga customer. Napakahalaga na ang customer natin ay laging masaya sa ating product or service. At ito ay mangyayari lamang kung ating tuloy-tuloy na ini-improve ang ating service or products. Sa pamamagitan nito, naibibigay natin ang tunay na kailangan nila at sila ay magkakaroon ng loyalty sa ating brand. Maraming salamat po muli sa pagtutok ninyo sa ating lingguhang kuwentuhan dito sa USAPANG BES – Usapang Business, Entrepreneurship at samu’t pang iba! Kung may request po kayong topic or kung may katanungan po kayo,  maaari po kayong mag-email sa inyong lingkod sa [email protected] o kaya naman ay i-LIKE ang aking Facebook page – RICCON LEONARDO.

Hanggang sa susunod na Huwebes, mga BES!

Related posts:

(Sa panahon ng COVID-19 pandemic) ‘AIM’ SA GOV’T, BUSINESS SECTOR 5 BAGAY NA MATUTUTUNAN SA KANTANG “THE GAMBLER” NI KENNY ROGERS PARA SA NEGOSYO MO BALAK KUMUHA NG BUSINESS FRANCHISE? ALAMIN MUNA ANG MGA ITO (Tiniyak ng NEDA sa gitna ng pandemya) SUPORTA NG GOV’T SA BIZMEN PARA YUMAMAN, MAGTAYO NG FAMILY BUSINESS (Tuloy- tuloy pa rin) ZERO-INTEREST LOANS SA MALILIIT NA BIZ FRANCHISING NG AUTO REPAIR SHOP PAANO GAMITIN ANG YOUTUBE PARA LUMAGO ANG NEGOSYO