PAGGAWA NG AFTERSHAVE OK NA NEGOSYO

ALAM nating walang nag-eempleyo na yumaman. Ang yumayaman lamang ay iyong malalakas ang loob na magtayo ng negosyo at hindi natatakot na sumugal sa itinayo nilang negosyo. Isa sa itinuro ng TESDA ay ang paggawa ng aftershave. Syempre naman, mula nang mauso ang papogian at pabanguhan ng kalalakihan, nauso rin ang aftershave. Bakit hindi natin ito gawing negosyo?

Napakadaling gumawa ng homemade aftershave dahil dalawa lang ang base ingredients nito: vegetable glycerin at witch hazel. Dahil parehong hindi mabango ang dalawang sangkap, dagdagan na rin natin ng essential oils.

Halika, gawa tayo ng classic aftershave.

Heto po ang mga ingredients na dapat nating ihanda:

Ang mga kakaila­nganin ay ang mga sumusunod: 2-ounce lotion bottle na gagami­ting lalagyan; 1-ounce witch hazel; 1/2 teas­poon almond oil; 1/2 teaspoon vegetable glycerine; 3 drops vitamin E oil; 8 drops Royal Hawaiian Sandalwood Essential Oil; 4 drops Frankincense Essential Oil; at distilled water.

Sa bote ng lotion, isa­lin isa-isa ang witch hazel, almond oil, vege­table glycerine, vitamin E, at essential oils. Alu­ging mabuti at pagkatapos ay punuin ang lalagyan ng distilled water. Muling alugin upang magsama-sama ang lahat ng sangkap. Higpitan ang takip at itabi muna sa madilim na lugar sa loob ng isang linggo.

Kapag gagamitin na o handa na kayong ibenta ito, muling alugin. Maglagay ng kaunti sa kamay at saka ipahid sa mukha.

Pwedeng gumamit ng ibang essential oil combinations tulad ng Lavender at Cedarwood o Valor. Maganda ang aftershave na ito dahil wala itong halong alcohol na nakatutuyo ng balat.

Maaari na itong gamitin o ibenta makaraan ang isang linggo. Pwede itong ilagay sa mas magandang bote para makakuha ng magandang presyo. Ang presyo po ay depende sa kung magkano ang magagastos ninyo. Kung gusto ninyo ng maramihang paggawa, doblehin lamang ang mga sangkap na nakalista– NV

Related posts:

SALAT NOON, SARAP NGAYON (Sa kitang P500 kada araw ni Adong) PRODUKTONG SARILING ATIN,  ILALAKO ABUTIN MAN NG DILIM (4 nasa Kolehiyo, 3 sa elementarya at high school) 7 ANAK NAKAPAG-ARAL DAHIL SA NEGOSYONG KWEK-KWEK MGA MUMUNTING NEGOSYO SA TALIPAPA “SPECIAL NON-WORKING DAY” SA IKA-451 ARAW NG MAYNILA ANG BUHAY AT TAGUMPAY SA NEGOSYO NI KUYA ED (Ang Tunay na Kuwento ng Kuya Ed’s Roasted and Fried) MGA WORLD-CLASS NA PILIPINONG MEKANIKO PLANBANK CELEBRATES 70TH ANNIVERSARY