INIHAYAG kahapon ni Presidential Spokesman Salvador Panelo na hindi nababahala ang Malakanyang kung kasama ang Pangulong Rodrigo Duterte sa hit list ng New People’s Army (NPA).
Una nang sinabi nina National Security Adviser Hermogenes Esperon at Presidential Security Group Commander Brig. General Jose Niembra na kasama sa hitlist ng NPA ang Pangulo, subalit itinanggi naman umano ito ni Communist Party of the Philippines (CPP) founding Chairman Jose Maria Sison.
Siniguro naman ni Panelo, na hindi makaaapekto sa isinusulong na peace talks ang mga naturang ulat.
May banta man o wala, sinabi ni Panelo na mahigpit na seguridad ang ipinatutupad sa Pangulo.
