SA BATASANG Pambansa gaganapin ang ika-limang SONA o State of the Nation Address ni Pangulong Rodrigo Duterte sa susunod na Lunes, Hulyo 27.
Ito ang kinumpirma ni Presidential Spokesperson Harry Roque kung saan pisikal na aniyang magtutungo si Pangulong Duterte sa Batasan para ihayag ang kanyang talumpati.
Ayon kay Roque, may mga naka-schedule nang rehearsal para sa SONA habang tuloy-tuloy naman ang preparasyon para rito.
Dagdag ni Roque, hanggang 50 mambabatas lamang ang papayagang dumalo sa SONA habang wala pang pinal na bilang para sa mga miyembro ng gabinete.
Magugunitang, ikinonsidera rin ng Malakanyang ang pagsasagawa ng online SONA kung saan haharap sa publiko ang Pangulo mula sa Malago clubhouse sa Malacañang.
Samantala, sinabi ni Roque na posibleng hinggil sa pandemiya at mga ginagawang hakbang ng pamahalaan laban dito ang laman ng talumpati ng Pangulo sa kanyang ika-limang SONA. DWIZ 882
Related posts:
(Matapos ang SONA ni Duterte) BAYANIHAN 2 APRUBADO NA
5TH SONA NI DUTERTE, MAGHAHATID NG PAG-ASA SA GITNA NG PANDEMYA
PANTAWID PASADA PROGRAM PINAIIMBESTIGAHAN NI DUTERTE
SONA NI DIGONG, TAUMBAYAN ANG HUMUSGA
2 BAGONG GABINETE ITINALAGA NI DUTERTE
AFP MULING NAGDEKLARA NG SUPORTA KAY DUTERTE
DUTERTE HINDI BUMOTO
PH FLAG IBABAON SA PH RISE
Comments are closed.