PBA 3X3: TNT TUMATAG SA TOP SPOT, PIONEER PASOK SA ‘MAGIC 4’

PASOK ang Pioneer Elastoseal sa ‘Magic 4’ ng PBA 3×3 Season 3 Second Conference team standings makaraang pumang-apat sa Leg 3 noong Martes. 

Mula sa seventh overall matapos ang unang dalawang stops, ang Katibays ay umakyat sa No. 4 na may kabuuang 146 tour points sa kalagitnaan ng mid-season conference.

Pinahigpit naman ng TnT, galing sa first conference hat trick ng liga, ang kapit sa top spot na may 300 points.

Nasa ikalawang puwesto ang Cavitex, ang Leg 3 runner-up, na may 200, kasunod ang Meralco sa 190.

Nasa labas ng Top 4 ang Terrafirma (143) at Blackwater (140), na nagpalit ng puwesto sa fifth at sixth mula sa naunang leg, at ang MCFASolver (125), na nahulog ng tatlong puwesto sa No. 7 matapos ang ninth place finish sa third leg.

Umangat ang Purefoods, sumandal sa tumaas na standing na fifth sa Leg 3, sa eighth mula 10th na may 113 points habang bumagsak ang struggling teams Barangay Ginebra (88) at San Miguel Beer (86) sa ninth at 10th, ayon sa pagkakasunod.

Kulelat ang NorthPort na may 71 points.

Ang 11 koponan ay mayroon pang tatlong legs para mapalakas ang lkanilang posisyon para sa karera sa 10 puwesto sa conference finals.

Naghihintay rin ang direct ticket sa quarterfinal stage ng conference championship sa mga magtatapos sa Top 4 makaraan ang six-leg elims.

CLYDE MARIANO