Standings W L
*Creamline 7 1
*Chery Tiggo 6 2
*PetroGazz 5 2
F2 Logistics 3 3
Cignal 3 3
Choco Mucho 3 4
PLDT 3 5
Akari 3 5
UAI-Army 0 8
*semifinalist
Mga laro sa Martes:
(Philsports Arena)
2:30 p.m. – Cignal vs Choco Mucho
5:30 p.m. – F2 Logistics vs PetroGazz
TULAD ng inaasahan ay nagmartsa ang PetroGazz sa semifinal round ng Premier Volleyball League Reinforced Conference sa 25-13, 25-12, 25-19 panalo sa United Auctioneers Inc.-Army kahapon sa Araneta Coliseum.
Maliban sa dagliang paglaban ng Lady Troopers sa kalagitnaan ng third set, nakontrol ng Angels ang one-hour, 22-minute contest.
“We enjoyed every point we scored and stayed focused on our goal,” wika ni Aiza Pontillas, na ang 12-point outing, na sinamahan ng 10 attacks, ay nakatulong sa ika-5 panalo ng PetroGazz sa pitong laro.
Bumanat si American Lindsey Vander Weide ng 14 kills at tumapos na may 20 points, habang nagdagdag si MJ Phillips ng 10 hits at nagtala sina Pablo at Remy Palma ng pinagsamang 17 markers para sa Angels.
Sinamahan ng PetroGazz ang Creamline at Chery Tiggo sa semifinals — isang single-round robin affair.
“It’s our objective (to win) regardless of who our opponents are since we want to build momentum going to the semis. It’s a good thing, we got it in three (sets),” wika ni PetroGazz coach Rald Ricafort.
