PINOY JIN GANAPIN PASOK NA SA TOKYO PARALYMPICS

PASOK na si Filipino para-taekwondo bet Allain Ganapin sa Tokyo Paralympics.

Kinumpirma ni Philippine Paralympic Committee Secretary General Walter Torres kahapon ang Paralympic berth ni Ganapin sa pagsasabing inaprubahan ng international governing body World Taekwondo ang kanyang bipartite application.

“His bipartite application was approved by the World Taekwondo federation so he has been given a bipartite invitation to participate,” pahayag ni Torres sa CNN Philippines.

Ang Bipartite Commission Invitation ay ipinagkakaloob sa para-athletes na hindi nabigyan ng pagkakataon na pormal na magkuwalipika sa Paralympics gamit ang iba pang qualification methods dahil sa “extraordinary circumstances.”

Dahil dito, si Ganapin ay umukit ng kasaysayan bilang isa sa unang jins na sasabak sa naugural Paralympic taekwondo competitions sa Tokyo, Japan ngayong Agosto. Sasalang siya sa men’s K44 -75kg division, kung saan ang mga atleta ay may “unilateral arm amputation (or equivalent loss of function), or loss of toes which impact the ability to lift the heel properly,” ayon sa International Paralympic Committee.

Related posts:

3 PANG PINOY PASOK SA TOKYO PARALYMPICS 5 PINOY NA ANG PASOK SA TOKYO PARALYMPICS BEJINO SASALANG NA SA TOKYO PARALYMPICS FIELD HOCKEY, PARALYMPICS SA TOPS ‘USAPANG SPORTS’ PARALYMPICS:  MANGLIWAN, ACEVEDA PALABAN BEJINO BIGONG MAKA-PASOK SA FINALS PARALYMPICS: MANGLIWAN BIGONG MAKASUNGKIT NG MEDALYA BEJINO SABAK ULIT SA PARALYMPICS