SAUDI ARABIA – NAGTAMO ng paso ang isang Filipino worker sa Najran province habang nag-aaspalto.
Kinilala ni Consul General Edgar Badajos ang biktima na si Rudy Papilosa, 43-anyos, truck driver at tubong Masbate province.
Ayon kay Badajos, minamaneho ni Papilosa ang service nang bigla itong bumaliktad dahilan para bumuhos ang karga nitong aspalto at napaso ang truck driver.
Agad namang isinugod sa pinakamalapit na ospital ang biktma na nagtamo ng paso sa kanyang mukha at katawan.
Wala pang abiso ang ospital kung kailan makalalabas ng ospital ang biktima.
Sinabi pa ng opisyal na nakikipag-ugnayan na ang Philippine Consulate sa Jeddah sa amo ng biktima para sa assistance na dapat ibigay kay Papilosa. CAMILLE BOLOS
Comments are closed.