PIOLO PASCUAL, LOVI POE SA “FLOWER OF EVIL”

SA panahon ng matinding krisis sa ABS-CBN, hindi nang-iwan si Piolo Pascual. Say niya,  ‘Kapamilya Forever.” Matapos matigbak ang Sunday musical variety show nina Maja Salvador at Catriona Grey sa TV5 na Sunday Noontime Live na prodyus ng Brightlight Productions at idinirehe ni Johnny Manahan, nagdesisyon si Papa P na mag-stay sa kanyang vacation house sa Batangas. Namuhay siya doon ng halos kalahating taon, na natapat pa sa pandemya at lockdown.

Maraming nag-akalang susunod siya sa kanyang ama-amahang si direk Johnny Manahan na ngayon ay senior consultant ng GMA Artists Center. Lumipat kasi si Bea Alonzo, at silang dalawa ni Papa P ang favorite na star magic talents ni Mr. M.

Looking back, Channel 2 na ang nagbigay ng break sa actor sa teleseryeng Esperanza na bida si Judy Ann Santos. Introducing lang nuon si Piolo. Pero sinugalan siya ng ABS-CBN at igawa ng serye at mga pelikulang pumatok naman sa mga viewers at takliya. Isa rin si Piolo sa pambato ng ASAP.

Ang huling teleserye niyang “Since I Found You” nuong 2018 with Arci Munoz ay hindi masyadong pumatok pero ngayong taon, makakasama niya ang bagong Kapamilya na si Lovi Poe sa Flower of Evil na isang Tagalized Korean TV series. Inaasahang papatok ito. Papa P plus Lovi – hindi pa ito nasusubukan kahit kalian.

***

VICE GANDA MASAMA ANG LOOB KAY ATE GAY

MULI na namang ginamit ni Vice Ganda ang kanyang noontime show para magparinig. Sabi niya, “Hindi ko ipinagmamala­king may natulungan ako, pero ang tinulungan ko, talagang ipinagbanduhan pa sa social media kung magkano ang naibahagi ko sa kanya.”

Napikon si Meme Vice nang ilahad ng ko­medyanteng si Ate Gay ang listahan ng mga tumulong noong nagkasakit siya. May netizen kasing nagtaray at nagsabing bakit P20K lang ang binigay ni Vice. Malaki kasi ang gastos sa ospital nang magkasakit si Ate Gay. Halos P600K.

Nakarating kay Vice ang pagtataray at sumama ang kanyang loob. Totoo naman, kahit magkano ang naibigay na tulong, dapat pasalamatan. Saka magkagalit naman talaga ang dalawa, hindi lang makatiis si Meme Vice na hindi tumulong. Ewan ko ba sa mga baklush kung bakit galit bati galit ang drama. Sa panahon ng pandemya, masuwerte si Ate Gay na marami ang tumulong sa kanya.

Considering na binigyan ka ng P20k ng kagalit mo, di ba dapat, magpasalamat ka? Ibig sabihin, napatawad ka na niya. Dun pa lang, okay na.

***

ATE GAY NASAGAD SA BASHER

Humingi naman ng paumanhin si Ate Gay kay Vice Ganda sa pagmamaliit ng basher sa ibinahaging tulong ng TV host. Nasagad si Ate Gay sa mga netizens na panay ang reklamo sa gobyerno. “Nagpapasalamat talaga ako kay Vice, at kay Ogie Diaz na naging tulay sa pagso-sorry ko kay Vice. “Masyado lang akong nasaktan sa basher. Sana mapatawad nyo ako, lalo na ang mga kaibigang tumulong sa akin at sa kapatid ko. Isang payo lang sa lahat: think twice or trice before you click sa inyong FB post.”

Related posts:

LOVI POE, PIOLO PASCUAL MAY CHEMISTRY LOVI POE DEDMA KAHIT KABOGIN SA KASEKSIHAN LOVI POE NAPAGKAMALANG BUNTIS PIOLO PASCUAL KINUKULIT NA NG INA NA GUSTO NANG MAGKA-APO ULIT VICE GANDA ‘DI MASAYA KAHIT MAYAMAN NA LOVI POE GAME NA MAKATRABAHO ANG EX-BOYPREN VICE GANDA NAKORYENTE NANG ITANGGING MAHAL SI CALVIN ABUEVA LOVI POE PROUD SA PAGIGING FLAT-CHESTED