POC HOUSING PARA SA OLYMPIC MEDALISTS

HANDA na si Tokyo Olympics gold medalist Hidilyn Diaz na lumipat sa kanyang bagong bahay habang ipagdiriwang nina fellow Olympic medalists Nesthy Petecio, Carlo Paalam at Eumir Felix Marcial ang Pasko ngayong taon na magkakapitbahay.

Labis ang pasasalamat ni Diaz sa two-story house na ibinigay sa kanya ni Philippine Olympic Committee (POC) President Abraham ‘Bambol’ Tolentino. Isa ito sa kanyang multi-million rewards sa pagwawagi ng kauna-unahang Olympic gold medal ng bansa.

“I am very grateful to Congressman Tolentino for this wonderful and blessed gift,” sabi ni Diaz, na ang mga magulang ay labis din ang katuwaan sa kanilang bagong bahay na nakatayo sa 220-square meter lot na may total floor area na 168 square meters.

Pagkatanggap ng susi ng bahay ay agad na itinuro ni Diaz ang bakuran sa kanang bahagi ng bahay bilang kanyang future home gym.

“This is where I’ll build my home gym,” sabi ni Diaz kayTolentino habang nililibot ang bahay sa loob ng  Isabel Heights sa Barangay Kay-bagal Central.

“I’ll keep the backyard as it is—that’s where we do the laundry.”

Samantala, kasa­lukuyan nang itinatayo sa Barangay San Jose ang bahay na regalo ni Tolentino kina silver medalists Petecio at Paalam and bronze medalist Marcial.

Ang konstruksiyon ay nagsimula isang araw bago isinagawa ng mga medalist, ni Tolentino at ni Senator Francis Tolentino ang ground breaking ceremony.

“This is a very previous gift,” sabi ni Petecio, na hindi napigilan ang kanyang emosyon at niyakap si Tolentino bilang pasasalamat.

Related posts:

AUTOMATIC HOF NOMINATION SA OLYMPIC MEDALISTS DAGDAG-INSENTIBO SA OLYMPIC MEDALISTS MULA KAY DUTERTE P22-M REGALO NI RSA SA OLYMPIC MEDALISTS PH OLYMPIC MEDALISTS TAMPOK SA PSA FORUM RSA MAY PERSONAL NA REGALO SA OLYMPIC MEDALISTS OLYMPIC MEDALISTS NAGPASALAMAT SA TAGUMPAY NA NAKAMIT INSENTIBO SA OLYMPIC MEDALISTS IPAGKAKALOOB NI DUTERTE OLYMPIC MEDALISTS PINARANGALAN SA MALAKANYANG