PINAGTAWANAN lamang ng Independent Philippine Petroleum Companies Association (IPPCA) ang bintang na price-fixing ng Laban Konsyumer Inc. (LKI).
“Those allegations have been debunked by two independent reviews commissioned by the Department of Energy with noted economists and CPAs,” wika ni IPCCA President Fernando Martinez.
Ayon kay Martinez, ang pinakamabuting gawin ng Laban Konsyumer ay ang basahin ang findings nito at kapag hindi sila sumang-ayon ay partiku-lar na tukuyin ang inaccuracies nito kung sakali.
Naunang sinabi ng LKI na nagsasabwatan at sangkot sa price-fixing ang petroleum industry players sa bansa dahil sa pare-parehong price adjust-ments na kanilang ipinatutupad linggo-linggo.
“Imposible, kasi unang-una, ikaw nag-i-import ka ng finished product, ikaw nagre-refine [so] iba na ang overhead mo, iba na ang acquisition cost mo,” pagbibigay-diin ni LKI president Vic Dimagiba.
“Sa aming paniniwala, may kasunduan,” dagdag pa niya.
Nagsampa rin ng kaso ang LKI sa antitrust watchdog Philippine Competition Commission (PCC) laban sa sinasabing cartel ng mga kompanya ng langis, gayundin sa Department of Energy (DOE).
Sa kanilang panig ay sinabi ng DOE na walang basehan ang bintang na price-fixing at pagsasabwatan laban sa 16 kompanya ng langis.
“We find the complaint of LKI President, Atty. Victorio Mario Dimagiba unmeritorious by accusing the Department of colluding with the oil com-panies by pointing to the pricing formula posted on the DOE website, as having facilitated said unacceptable illegal activities,” pahayag ng ahensiya.
“The DOE continues to assure the public that it will not waver in its commitment to protect and uphold the welfare of consumers and that it would always condemn, in the strongest terms, all contrary practices,” dagdag pa ng DOE. PILIPINO Mirror Reportorial Team
Comments are closed.