NAPIKON at pumalag ang isang senadora sa napaulat na biglang pagtaas ng presyo ng itlog at manok sa ilang pamilihan sa Metro Manila nitong nakaraang linggo.
“Walang dahilan para magtaas ng presyo sa itlog kasi ultimong Philippine Egg Board sa kanilang suggested retail price ay hindi dapat tumaas sa P5 ang kada piraso ng itlog dahil sapat ang suplay nito,” wika ni Sen. Imee Marcos.
Ayon sa senadora, lagpas sa P6 ang presyo ng bawat piraso ng maliit na itlog sa ilang palengke sa Metro Manila dahil umabot sa P180 o higit pa ang bentahan ng bawat tray na naglalaman ng 30 piraso at dapat ay nasa P150 lamang ang halaga nito.
Aniya, ibig sabihin nito ay may 20 porsiyento o higit pa ang naging pagtaas mula sa P5 na SRP na itinakda ng gobyerno.
Ikinagulat din ni Marcos ang muling pagtaas ng presyo ng manok sa mga pamilihan matapos na umabot ito sa P190 hanggang P200 kada kilo.
Ayon sa senadora, nasa P123 hanggang P128 ang wholesale price noong nakaraang buwan.
“Tumaas nga ang halaga ng chicken feed at medyo bumaba ang chicken production sa ilang lugar sa Luzon. Pero sinabi na ng Department of Agriculture na okay na at bumabalik na ang consumption ng baboy, kaya ‘di dapat ganoon kataas ang presyo ng manok,” paliwanag pa ni Marcos.
Kaugnay nito, pinaalalahanan ni Marcos ang Department of Trade and Industry (DTI) na busisiing mabuti at huwag lubayan ang pagmo-monitor sa presyuhan ng itlog at manok na pinangangambahang itataas pa ng mga negosyante habang papalapit ang Pasko. VICKY CERVALES
Related posts:
(Suplay kumaunti, demand tumaas)PRESYO NG MANOK, ITLOG TUMAAS
(Tiniyak ng DA) SUPLAY NG BABOY, ITLOG SAPAT SA CHRISTMAS SEASON
(Pinag-aaralan ng DA) SRP SA KARNE NG MANOK
(Sa gitna ng oil price hikes) PRESYO NG MANOK, BABOY SUMIRIT
(Dahil sa bird flu) PAG-ANGKAT NG MANOK MULA U.S. BAWAL MUNA
(Dahil sa tag-init, election period) PRESYO NG MANOK SUMIRIT
(Tiniyak ng UBRA) SUPLAY NG MANOK SAPAT
(Kinumpirma ng UBRA)SHORTAGE SA SUPLAY NG MANOK
Comments are closed.