PSL: MALINIS NA KARTA ITATAYA NG PETRON

Mga laro ngayon:

(Caloocan Sports Complex)

12 n.n. – FEU vs UST

2 p.m. — Smart vs Generika-Ayala

4 p.m. — Cignal vs Petron

6 p.m. — Cocolife vs Sta. Lucia

 TARGET ng Cocolife at Sta. Lucia ang mailap na unang panalo sa kanilang paghaharap sa Philippine Superliga All-Filipino Conference ngayon sa Caloocan Sports Complex.

Sasambulat ang aksiyon sa alas-6 ng gabi kung saan kapwa gigil na ang Asset Managers at Lady Realtors na makapasok sa win column ng prestihiyosong  women’s club tourney.

Samantala, sisikapin ng Petron na mapanatili ang hot streak sa pagsagupa sa Cignal sa alas-4 ng hapon, habang makakabangga ng Generika-Ayala ang Smart sa 2p.m. opener.

Nananatili ang Petron sa iba­baw ng standings matapos ang mainit na 4-0 simula habang bumagsak ang erstwhile leader Foton sa ikalawang puwesto kasunod ng straight-set loss sa F2 Logistics noong ­Huwebes, 15-25, 13-25, 13-25.

Bago ito, magbabakbakan ang long-time collegiate rivals Far Eastern University at University of Santo Tomas sa Collegiate Grand Slam sa alas-12 ng tanghali.