Standings W L
*Creamline 7 1
*Chery Tiggo 6 2
PetroGazz 4 2
F2 Logistics 3 3
Cignal 3 3
Choco Mucho 3 4
PLDT 3 5
Akari 3 5
UAI-Army 0 7
*semifinalist
Mga laro ngayon:
(Smart Araneta Coliseum)
2:30 p.m. – UAI-Army vs PetroGazz
5:30 p.m. – Cignal vs F2 Logistics
TARGET ng PetroGazz na samahan ang Creamline at Chery Tiggo sa semifinal round ng Premier Volleyball League sa pagharap ng reigning Reinforced Conference champions sa wala pang panalong United Auctioneers Inc.-Army ngayon sa Araneta Coliseum.
Pinataob ng Angels ang Crossovers, 25-14, 24-26, 25-13, 21-25, 15-9, noong nakaraang November 12 upang umangat sa 4-2 record at ang panalo sa kanilang 2:30 p.m. encounter sa Lady Troopers ay magpopormalisa sa pagpasok nila sa susunod na round.
Subalit kahit wala pang panalo sa pitong laro, gagawin ng Army ang lahat para maitarak ang mailap na panalo at pigilan ang PetroGazz.
Samantala, ang 5:30 p.m. face-off sa pagitan ng Cignal at ng F2 Logistics ay maraming implikasyon sa nalalabing semis berth.
Tabla sa fourth sa 3-3, ang mananalo ay lalapit sa semis bagama’t kailangan pa ng HD Spikers at Cargo Movers na malusutan ang kanilang huling laro kontra Choco Mucho at PetroGazz sa Martes.
Sa 3-4, ang Flying TItans ay may tsansa pa rin bagaman ang kapalaran ng koponan na makapasok sa semifinals ay wala na sa kanilang mga kamay.
Ang Choco Mucho ay nabigong palakasin ang kanilang semis drive nang malasap ang 25-15, 20-25, 20-25, 26-28 loss sa Creamline noong Huwebes sa larong pinanood ng record crowd na 19,117, nahigitan ang 16,877 fans na nanood sa Open Conference duel ng dalawang koponan noong April 3, 2022.
