RAMIREZ KUMPIYANSANG MATUTULOY ANG TOKYO OLYMPICS

NANINIWALA si Philippine Sports Commision (PSC) chairman William ‘Butch’ Ramirez na matutuloy ang Tokyo Olympics bagaman nagpatupad ng panibagong lockdown ang Japan dahil sa muling pagtaas ng COVID19 cases sa naturang bansa.

Marami na ang naghihikayat na kanselahin ang world meet dahil sa pagdami ng mga tinatamaan ng coronavirus  Sa kasalukuyan ay nasa state of emergency ang Japan bunsod ng pandemya.

Naniniwala si Ramirez na  ligtas na maisasagawa ng Japan ang Tokyo Olympics. Aniya, malaki ang tsansa ng Filipinas na masikwat ang kauna-unahang gintong medalya sa Olympics sapagkat ang pitong Pinoy na qualifiers ay matitindi ang kalibre.

Saka ang Japan at ang mga mamamayan nito  ay disiplinado kaya naniniwala si Chairman Butch na itutuloy ito ng Japan. Kayang-kaya nitong labanan ang nakakatakot na virus.

Ang  mga Pinoy na pasok na sa Olympics ay sina world champion Carlos Edriel Yulo ng gymnastics, boxers Eumir Felix Marcial, Nesthly Petecio, Irish Magno at Carlo Paalam, Rio de Jaineiro Olympics silver medalist Hidilyn Diaz at Southeast Asian Games pole vault record holder Ernest John Obiena.



Marami ang nagtatanong kung saan nga ba malilipat si Beau Belga ng Rain or Shine. Noong una kasi ay malakas ang usap-usapan na mapupunta ito sa kampo ni coach Yeng Guiao sa NLEX Road Warriors. Subalit parang nanahimik ang trade sa kanya. Kamakailan naman ay biglang lumitaw ang team  ng Magnolia Hotshots  na siyang kukuha kay Belga.

Ang dahilan umano ng ROS team kaya nais nilang ma-trade ang player ay sa laki ng salary niya. Hindi kaila na maraming kompanya ang lugi dahil sa pandemic. Mahina halos lahat ng negosyo tapos hindi pa malaman kung kailan magsisimula ang 46th season ng PBA.

Hindi naman kasalanan ng mga player na mahinto ang kanilang ensayo dahil hindi pa ito binibigyan ng ‘go signal’ng IATF. Buti sana kung puwedeng bawasan muna ang suweldo ng mga player sa panahon ngayon na wala namang ensayo o aktibidad.

Related posts:

2 GOLD TARGET NG PSC SA TOKYO OLYMPICS PINOY GOLFERS KAKASA SA TOKYO OLYMPICS DUTERTE INIMBITAHAN SA TOKYO OLYMPICS PINAS NO.1 SA SOUTHEAST ASIA SA TOKYO OLYMPICS 3 TAONG KONTRATA KAY RAVENA, ALAS TOKYO OLYMPICS-BOUND ATHLETES ABROAD BABAKUNAHAN SA HOST COUNTRIES PAGUNSAN SA TOKYO OLYMPICS OLYMPICS TARGET NG TRIATHLON UST NANGUNGUNA SA UAAP GENERAL CHAMPIONSHIP RACE