(Sa kanyang Olympic gold medal match vs British foe) PAALAM HUMINGI NG DASAL

TARGET ni Carlo Paalam ang ikalawang gold medal ng Pilipinas sa pagsagupa kay Galal Yafai ng Great Britain sa men’s flyweight boxing finals ng Tokyo Olympics sa Kokugikan Arena ngayong Sabado.

Umusad si  Paalam sa gold medal round noong Huwebes makaraang gapiin si Japanese Ryomie Tanaka via unanimous decision. Sa panalo ay nakasiguro na ang gold medalist ng 2017 President’s Cup sa Astana, Kazakhstan ng silver sa pandemic games.

Sisikapin ni Paalam na mapataas pa ang kulay ng kanyang medalya kontra Yafai, ang reigning Best Boxer awardee ng Great Britain at ang champion ng 2018 Golden Belt sa Iasi, Romania.

“Hinihiling ko lang po sa kapwa ko Pilipino na ipagdasal ako. Gagawin ko ang best ko, kasi hindi ko naman hawak ‘yung desisyon, tsaka ‘yung kalaban ko kasi magaling din. Tiwala lang sa sarili. Sana ibigay na sa atin ng Panginoon,” sabi ni Paalam.

Ang guaranteed silver ni Paalam ang ikatlong medalya ng boxing team sa quadrennial meet, kasama ang silver ni feath-erweight Nesthy Petecio at ang bronze ni middleweight Eumir Marcial, na nalasap ang dikit na split decision loss kay Oleksandr Khyzhniak ng Ukraine.

Tinalo ni Paalam si Brendan Irvine ng Ireland, 4-1, sa kanyang opening bout at higit na naging impresibo sa kanyang sumunod na dalawa.

Naitala niya ang unanimous decision win laban kay Mohamed Flissi ng Algeria, bago ginulantang si reigning Olympic champion Shakhobidin Zoirov ng Uzbekistan, 5-0, upang umabante sa semifi-nals laban sa Japanese. CLYDE MARIANO

Related posts:

PH MAY 13 GOLDS NA SA 11TH ASEAN PARA GAMES GINTO PA KAY OBIENA IKA-2 SUNOD NA GOLD KAY OBIENA GOLD TARGET NG FILIPINAS SA CAMBODIA SEA GAMES OBIENA GOLD SA FRANCE OBIENA NAKA-GOLD NA NAMAN GOLD PA MORE KAY OBIENA 2 GOLDS PUNTIRYA NG WUSHU SA CAMBODIA SEAG