HABANG nanalasa ang bagyong Ulysses ang Metro Manila at Katimugang Luzon isang ginang ang nanganak sa loob ng Philippine Army M35 Military Truck na nagsasagawa ng search and rescue mission sa Bicolandia.
Ayon kay Maj General Henry Robinson pinuno ng Army 9th Infantry (Spear Troopers) Division kasama sa mga na rescue ng kanyang mga tauhan ang buntis na ginang na isinakay sa 9th Infantry Battalion KM450, nang makaranas ito ng labor pain.
Nabatid na kinailangan ng ginang na kinilalang si Noralyn Ilagan, 29-anyos ng Barangay Caranan sa bayan ng Pasacao, Camarines Sur doon na mismo sa military truck manganak dahil hindi na ito aabot pa sa Lying In Clinic makaraang ma-rescue ng mga elementp ng 9th Infantry Battalion (9IB), bandang alas-10 ng gabi habang kasagsagan ng pag hagupit ni Ulysses na may dalang malakas na ihip ng hangin at malakas na buhos ng ulan.
Napag alamang may mga kasamang kinatawan mula sa Municipal Health Office at Municipal Disaster Risk Reduction and Management Office (MDRRMO) Pasacao ang rescue team na nagpasyang magtulong-tulong para maayos na makapanganak ang ginang na sinasabing pumutok naang panubigan at anumang oras ay magluluwal na ng sanggol.
Inalalayan nina MHO’s nurse, Rosario Rado at MDRRMO personnel, Jesica Italia kasama sina Army Cpl. Pacheco, at PFC Banaña si Ilagan hanggang sa makapanganak ito ng malusog na sanggol.
‘The cry of a newborn baby inside a military truck in a town in Bicol region was a welcome sound bringing incomparable joy to the exhausted members of emergency response unit, who has been working tirelessly after Bicolandia has been hit by a series of unfortunate events— 3 typhoons in the middle of a pandemic,” ani MGen. Robinson.
“Hanggang may nangangailangan pa ng ating tulong, hindi tayo mag-aalinlangang tumulong. The Bicolanos can rest easy because the Spear Troopers tasked to serve and secure them are not only equipped with knowledge and skills to help but does all these with love and compassion. May this unexpected but joyful event remind us all that there is HOPE in the face of disaster,” dagdag pa nito.
Pagsapit sa kabayanan ay agad na inilipat sa lying-in ang mag-ina. VERLIN RUIZ
Related posts:
(Publiko pinaalalahanan ng NDRRMC) MAGING HANDA SA PAGDATING NG BAGYONG ULYSSES
HAGUPIT NI ULYSSES
ULYSSES DEATH TOLL NASA 40 NA
SERBISYONG 24 ORAS NG MERALCO SA BAGYONG ULYSSES
(Nasawi sa Bagyong Quinta umabot na sa 9) PANIBAGONG TYPHOON PINAGHAHANDAAN
KLASE SA MARIKINA ISANG BUWANG SUSPENDIDO
DTI PLEDGES P2-M AID TO ULYSSES VICTIMS IN MARIKINA
(‘Ulysses’ victims uunahin) CASH FOR WORK PROGRAM NG DSWD
Comments are closed.