SHEENA HALILI HUGAS-KAMAY SA ROMANSANG  MAINE MENDOZA AT ARJO ATAYDE

KAHIT pa nasabi na ni Maine Mendoza na friends lang sila ni Arjo Atayde at nasa stage pa lang sila ng knowing each other, pero, tila kibit-balikat lang ang mga taong nakapaligid sa dalawa. Lalo lang naging mai­ngay ang balita sa dalawa nang patuloy pa rin ang pagpo-post nila Maine at Arjo ng kanilang picture together sa mga lakaran na tila nadadalas na rin naman.

Isa sa malapit na kaibigan ni Maine sa showbiz world ay si Sheena Halili. Isa rin si Sheena sa napagbubuhusan ng problema ni Maine. Super close sila na parehong may alam sila ng mga lihim ng bawat isa. Kaya nga ba hindi rin lusot si Sheena sa katanu­ngan kung ano talaga ang level ng relasyon ngayon nina Arjo at Maine.

Ani ni Sheena, wala raw siya sa tamang posisyon para magsabi ng relasyon ng dalawa, tanungin na lang daw sina Maine at Arjo. Safe answer, ‘di ba? At sa tsika naman na urong-sulong daw ang pagpapakasal nila ng fiancé niyang abogado na si Atty. Jeron Manzanero, say ni Sheena una na nilang plano ng boypren ay sa January o February 2019 na sila pakakasal  para malamig ang klima. Pero naiiklian naman ang dalawa sa petsa ng kasal dahil na rin sa mahabang preparasyon nito. Kaya minabuti na lang ni Sheena na i-urong ang kasal pero sa loob din ng taong 2019.

Kung matatandaan, nag-propose ng kasal si Atty. Jeron kay Sheena this year sa loob ng isang sinehan. Kung saan akala ni Sheena ay nagpa-blocked ng isang movie ang boypren para exclusive na manonood sila at kasama ang pamilya ng bawat isa. As in, akala ni Sheena ay isang family bonding lang and also with close friends nilang dalawa. Pero laking gulat ni Sheena ng lumabas sa screen ay ang proposal ng boypren.

ALDEN RICHARDS PINALUHA NG FANS

ISANG magandang alaala ang baon ni Alden Richards sa kanyang pagbabakasyon ngayong Disyembre, kasama ang pamilya at sa ibang bansa na sila magseselebreyt ng Holiday Season. Bago umalis si Alden ng bansa ay nagbigay ng isang party ang kanyang diehard fans, para pabaon sa idolo at pagse-celebrate din ng ika-8 taon ni Alden sa showbiz.

Game na game namang dumalo si Alden sa naturang pagtitipon ng kanyang mga tagahanga, pero ang hindi inaasahan ng Pambansang Bae ay ang handog ng kanyang supporters at followers, isang video kung saan ay nagsasalaysay ng pinagdaanang hirap ni Alden sa showbiz bago niya nara­ting ang kanyang kinalalagyan ngayon.

Dahil hindi inasahan, nagulat si Alden sa pinag­handaan ng kanyang fans at napaluha ang actor habang pinapanood ang sarili sa screen. At nang matanong si Alden kung bakit siya naluha, say ng actor kasi parang isang roller coaster ang kanyang buhay- show-biz. Ang lahat ng kanyang pinagdaanan, mula sa tagumpay hanggang sa mga downfall niya.

Sa huli ay sinabi ni Alden, ang dalawang maha­lagang bahagi ng kanyang showbiz life, ang una ay nang maging isang Kapuso talent at ang pangalawa ay ang pagpasok niya bilang isa sa dabarkads ng “Eat Bu-laga.”