UUMPISAHAN sa Metro Manila ang plano ng Department of Trade and Industry (DTI) at Department of Agriculture (DA) na magtakda ng retail price (SRP) sa bigas at iba pang produktong pang-agrikultura.Sa panayam sa radyo, sinabi ni Trade Secretary Ramon Lopez na para mas mabantayan ay titingnan muna nila ang SRP sa Metro Manila.
“Ang sabi ni [Agriculture] Secretary Manny Piñol, para mas ma-monitor, ang tingnan muna ay ang SRP sa Metro Manila. Umpisahan sa Metro Manila,” wika ni Lopez.
Nauna rito ay inanunsiyo ng DTI at DA na isang technical working group ang binubuo upang magsagawa ng pag-aaral sa kung paano magtatakda ng SRP sa bigas.
Ang planong maglagay ng SRP sa bigas at iba pang produktong pang-agrikultura ay nabuo sa gitna ng isyu ng kakulangan ng supply ng butil.
Sa pag-iinspeksiyon sa mga retail outlet ay natuklasan ng DTI at DA na ang mga rice retailer ay nagtatakda ng kanilang sariling presyo at walang sistema ng price verification.
Nilinaw ni Lopez na ang paglalagay ng SRP ay hindi isang uri ng pagkontrol sa presyo kundi magsisilbing basehan upang magkomento sa pagbabago ng mga presyo sa retail level.
Ang hakbang ay bilang tugon din sa reklamo ng mga mamimili na may ilang mapagsamantalang negosyante ang nagtataas ng kanilang presyo nang sobra-sobra.
Related posts:
LOWER SRP SA IMPORTED PORK SA SUPERMARKETS TARGET NG DTI
(Sa gitna ng fuel price increases, Russia-Ukraine crisis) WALANG SRP HIKE SA BILIHIN
(Pinag-aaralan ng DA) SRP SA KARNE NG MANOK
(Aprub sa DTI) SRP HIKE SA 82 BASIC, PRIME GOODS
(Inilabas na ng DTI)BAGONG SRP SA SCHOOL SUPPLIES
(Ilalabas ng DTI sa Okt.-Nob.)SRP SA NOCHE BUENA ITEMS
PAGTATAKDA NG SRP SA SIBUYAS IPINAGPALIBAN
(‘Di sakop ng SRP) PRICE HIKE SA ILANG BASIC GOODS TULOY
Comments are closed.