STARSTRUCK 7 FINAL 14 SIMULA NA NG LABAN 

AFTER two weeks na nai-present na ng original reality-based artista search, ang “StarStruck 7,” hosted by Dingdong Dantes and Jennylyn Mercado with the Councils Heart Evangelista, Jose Manalo and Ms. Cherie Gil, ang 22 hopefuls na mula sa napakaraming nag-audition sa iba’t ibang lugar sa bansa, nabuo na ang Final 14 last Sunday, June 23.

Narito ang Top Final 14: Pamela Prinster, Dani Porter, Angelic Guzman, Abdul Rahman, Karl Aquino, Kim de Leon, Gelo Aglaban, Jeremy Sabido, Ruru Madrid, Lexi Gonzales, Ella Cristofani, Shayne Sava, Jerick Dolormente at Allen Susay.

Say ni Dingdong, “magsisimula na ang tunay na laban, na they will compete with each other sa Saturday, June 29 at Sunday, June 30 at tuwing Sabado at Linggo.  Para sa mga latest updates, don’t miss the “Inside StarStruck” sa official Youtube Channel ng show, Monday to Friday, at 6:00 PM hosted by Kyline Alcantara.”

Ang mga Kapuso viewers from across the globe o ang mga Kapuso natin abroad, ay puwede ring mapanood ito sa mga favorite Kapuso shows sa GMA’s international channels, GMA Pinoy TV, GMA Live TV, and GMA News TV International.  For the program guide, visit www.gmapinoytv.com

ANGELICA PANGANIBAN LATE ANG SUMMER VACAY

NA-LATE yata ang summer vacation ni Angelica Panganiban, dahil nai-declare na ng Pagasa na rainy season na tayo nga­yon, pero paminsan-minsan lamang din ang malakas na ulan at feeling summer pa rin, kaya sa Siargao Island siya last weekend, kasama sina Zanjoe Marudo, Smokey Manaloto, Pocholo Barretto at marami pang iba.

Hindi sinabi ni Angelica sa kanyang Instagram story kung may kaugnayan ang bakasyon sa trabaho, either may ginagawa silang movie or nag-ti-taping ng TV show o talagang bakasyon lamang ang pagpunta nila roon.

Nag-post si Angelica ng isang sexy photo niya wearing a one-piece green swim suit na pinuri siya ng fans at mga kaibigang tulad nina Judy Ann Santos, Glaiza de Castro (na nga­yon lamang yata hindi sila magkasamang magbakas­yon, busy kasi si Glaiza sa paghahanda para pumunta ng London to take short courses on musical production), Maxene Magalona, Sunshine Garcia, Ina Feleo.

DEREK RAMSAY AT ANDREA TORRES MAPUSOK ANG MGA KUWENTO        

IPINALALABAS na ang teaser ng “The Better Woman” ang sexy teleserye ng GMA na nagtatampok kina Derek Ramsay at Andrea Torres, na dinidirek ni Marc Sicat dela Cruz.   Sabi sa teaser “ang pinakamapusok na kuwento na gabi-gabing tutukso sa ‘yo. July 2019.”  Sa teaser ay very sexy ni Andrea, naka-mask at nagpu-pole dancing.

Wala pang definite date ng airing sa July, pero ipapalit daw ito sa malapit nang matapos na fantasy serye na “Kara Mia” na grand finale na sa Friday, June 28,  pagkatapos ng “24 Oras.”  Tiyak na aayusin lamang ang airing ng mga primetime series at sila ang huling mapapanood gabi-gabi.

Excited na rin ang mga netizens kung kailan nila mapanonood ang “The Better Woman.”  Hindi pa rin kasi malinaw kung ano ang roles na gagampanan nina Derek at Andrea, sinekreto raw ito ng writer at ng bumubuo ng production staff.