TAGA-DIPOLOG, INSTANT MILYONARYO SA LOTTO!

INIANUNSIYO ng Philippine Charity Sweepstakes Office (PCSO) na isang ma­suwerteng mananaya mula sa Zamboanga Del Norte ang naging instant milyonaryo  matapos na magwagi sa MegaLotto 6/45.

Ayon kay PCSO General Manager Royina Garma, P24,320,079.80 ang napanalunan ng lucky bettor matapos nitong mahulaan ang six-digit winning combination ng MegaLotto 6/45 na 34 – 03 – 09 – 10 – 08 – 32.

Ani Garma, ang lucky ticket ay nabili ng lucky bettor sa Dipolog City, Zamboanga del Norte.

Pinayuhan naman ni Garma ang masuwerteng mananaya na upang makubra ang kanyang premyo ay magtungo lamang sa punong tangga-pan ng PCSO sa Shaw Boulevard, Mandaluyong City at magprisinta ng dalawang valid IDs, gayundin ang kanyang lucky ticket.

Samantala, mayroon namang 11 mananaya ang pinalad na magwagi ng second prize na tig-P32,000; 639 na nagwagi ng third prize na tig-P1,000 at 12,333 na nakakuha ng balik-taya o tig-P30.

Kaugnay nito,  walang pinalad na makahula sa 29 – 10 – 06 – 08 – 35 – 46 na winning combination ng UltraLotto 6/58 na binola rin ng PCSO nitong Biyernes ng gabi, kaya’t walang nakapag-uwi sa katumbas nitong jackpot prize na P67,248,568.80.

Inaasahan naman na higit pang lalaki ang naturang premyo kaya’t hinikayat niya ang publiko na tumaya na at tangkilikin ang kanilang mga palaro upang magkaroon ng tiyansang maging susunod na milyonaryo at makatulong pa sa mga kababayan nating na­ngangailangan ng tulong medikal. ANA ROSARIO HERNANDEZ

Related posts:

3 INSTANT MILYONARYO SA LOTTO 10 MANANAYA NG LOTTO INSTANT MILYONARYO RESIDENTE NG MAKATI BAGONG MILYONARYO LOTTO DRAW NITONG LUNES, ITINULOY DAHIL SA PAGBUTI NG PANAHON MANILENYO, WAGI NG P265M SA SUPER LOTTO 6/49! P127M JACKPOT PRIZE SA LOTTO DRAW SA MARTES NG GABI 4D AT 6D LOTTO BALIK NA TAGA-BATAAN NASOLO ANG P29.7-M PANALO SA LOTTO