(Target ng DTI) INVESTMENTS PA MORE

MAKARAANG aprubahan ang investment projects na nagkakahalagang PHP5.2 trillion mula 2016 hanggang Hunyo 2021, nangako ang Department of Trade and Industry (DTI) na susuportahan at isusulong ang mga programa na makaaakit ng mas maraming investments sa bansa.

“The DTI strongly supported the full implementation of the Corporate Recovery and Tax Incentives for Enterprises (CREATE) Act, which is definitely a milestone and a new landmark incentive law. It provides the government the flexibility in granting fiscal and non-fiscal investments for high-value strategic investments,” pahayag ni DTI Secretary Ramon Lopez sa Philippine News Agency.

Noong Marso 26, 2021 ay nilagdaan ni Presidente Rodrigo Duterte bilang batas ang CREATE Act, na nagbababa sa corporate income tax rate sa bansa mula 30 percent sa 25 percent para sa malalaking korporasyon at hanggang 20 percent para sa maliliit na negosyo.

Nagkakaloob din ito ng performance-based, time-bound, at targeted fiscal incentives packages kapwa sa local at foreign investors.

Ayon kay Lopez, itinutulak din ng pamahalaan ang legislative reforms na makahihikayat ng mas maramlng foreign investments tulad ng pag-aamyenda sa  Public Service Act, Retail Trade Liberalization Act, at Foreign Investments Act.

Aniya, sinertipikahang urgent ni Duterte ang naturang bills, at target na maaprubahan sa Oktubre ng kasalukuyang taon. PNA

Related posts:

(Tinalakay ng DTI chief sa 50th World Economic Forum) INVESTMENTS, TEKNOLOHIYA SA KALAKALAN (Bitbit ng DTI mula sa 3-week Europe roadshow) P73-BILLION INVESTMENT PLEDGES (Sinelyuhan ng PH, Japanese firm) P4.4-BILLION INVESTMENTS PH ilulunsad ang National Halal Strategy, target ang PHP12-B investments at 20,000 trabaho sa loob ng 5 taon —DTI SUPORTA SA BORACAY MSMEs DTI PINAIGTING ANG PRICE MONITORING SA SUPERMARKETS DTI PINANGUNAHAN ANG PAGLAHOK NG PILIPINAS SA JAPAN IT WEEK PINOY FOOD IBIBIDA SA CALGARY