SISIMULAN nang talakayin sa Kamara ang pagpapalawig sa validity o bisa ng 2021 budget hanggang sa susunod na taon.
Sa House Bill 10373 na inihain ni Appropriations Committee chairman Eric Go Yap, pinalalawig ang bisa ng 2021 national budget mula December 31, 2021 hanggang December 31, 2022.
Sinabi ni Yap sa kanyang panukala na dahil sa COVID-19 pandemic ay naapektuhan ang operasyon sa gobyerno kung saan nagkaroon ng delay sa paglalabas ng alokasyon sa ilang mga programa at proyekto.
Ngayong papatapos na ang taon, marami aniyang programa, proyekto at mga aktibidad na pinondohan sa ilalim ng 2021 budget ang hindi pa nagugugol at kailangang-kailangan lalo na ng mga kabilang sa vulnerable sector.
Sa Miyerkoles ay uumpisahan ang pagtalakay sa panukalang pagpapalawig sa validity ng 2021 budget at inaasahang maaaprubahan ito agad sa komite.
Matatandaang mula 2019 ay nagkaroon na ng extension sa bisa ng pambansang pondo. CONDE BATAC
Related posts:
(Sa pagbuo ng 2021 nat’l budget) KAMARA TUTULONG SA PALASYO
(Isinusulong sa Kamara) 5-6% HIKE SA 2021 BUDGET
(Hihilingin ng Kamara kay Duterte) 2022 BUDGET SERTIPIKAHANG URGENT
(Isusulong sa Kamara) DAGDAG NA BUDGET SA AGRI
PANUKALANG P5.024-T 2020 NAT’L BUDGET (Nasa Kamara na)
2022 BUDGET NG OP APRUB NA SA KAMARA
(Lusot na sa Kamara) EXTENSION NG BISA NG 2021 BUDGET
P3.757-T BUDGET NAKABITIN PA