NASAKOTE ang anim na hinihinalang sangkot sa ilegal na droga kabilang ang dalawang babae sa isinagawang buy bust operation ng mga pulis sa Valenzuela City.
Ayon kay Valenzuela Police Chief P/ Col. David Nicolas Poklay, alas-12:30 ng madaling araw nang ikasa ng mga operariba ng SDEU sa ilalim ng pangangasiwa ni P/ Maj. Jowilouie Bilaro ang buy bust operation sa pangunguna ni P/ Capt. Segundino Bulan Jr. kontra kay Lita Lee, 40, sa Bagong Sikat St., Purok 4, Mapulang Lupa sa koordinasyon sa PDEA.
Kaagad inaresto si Lee matapos iabot ang isang sachet ng shabu na nagkakahalaga ng P300 kay PCpl Rosquita na umaktong buyer habang nagawa namang makapuga ng kanyang kasama na si Nelson Macugay, 41.
Arestado rin si Regino Macugay Jr., 45, Janriel Ramos, Mark Anthony Macugay, 26, at Jhayson Carlos alyas “Ungas”, matapos maaktuhang sumisinghot ng shabu sa loob ng isang walang numerong bahay sa naturang lugar at narekober ang ilang drug paraphernalia. EVELYN GARCIA
Comments are closed.