TSINOY, 2 PA TIKLO SA BUY BUST

CALOOCAN CITY – ARES­TADO ang tatlo katao kabilang ang isang Filipino-Chinese na ikaapat sa 10 most wanted drug personalities sa lungsod na ito nang masakote sa buy bust operation at makunan ng higit  sa P.2 milyong halaga ng droga at baril kahapon ng madaling-araw

Kinilala ang mga nadakip na si Tristan Steve Wong, no. 4 sa top 10 drug personalities ng NPD, 27, istambay, ng 21 Esperanza St., Brgy. Marulas, Valenzuela City, at kakasuhan ng paglabag sa Comprehensive Dangerous Drugs Act at illegal possession of firearms and ammunitions. Dinakip din ang kanyang dalawang alalay na sina Mark Ryan Raymundo, 37, istambay, ng Dagat-dagatan, Caloocan City; at Dianne Kathleen Miraran, 25, ng Brgy. MRC Mabalacat, Pampanga City.

Isinagawa ang operasyon laban sa mga suspek ala-1 ng madaling-araw sa Brgy. 28 kung saan nakumspiska mula sa mga suspek ang humigit kumulang 30 gramo ng shabu na may tinatayang halagang P204,000, at pitong ecstacy tablets na may presyong P11,900.

Bukod dito ay nasamsam din ang isang timba­ngan, dalawang  cellular na naglalaman ng mga transaksiyon sa droga; isang tunay na P1,000 bill na nakabungkos sa 11 pirasong boodle money.

Nakumpiska rin kay Wong ang isang colt caliber. 45 pistol na may serial No. 101556 na kargado ng magazine na may pitong bala at isang pistol holster. EVE GARCIA/VICK TANES