CALOOCAN CITY – ISANG mister na hinihinalang tulak ng ilegal na droga ang naaresto ng mga pulis sa buy bust operation kaninang umaga.
Kinilala ni Station Drug Enforcement Unit (SDEU) head PSI John David Chua ang naarestong suspek na si Luciano Reyes alyas ‘Louie’, 46, ng Blk 33, Lot 21, Phase 2, Area, Brgy. NBBS, Navotas City.
Sa imbestigasyon ni PO1 Elouiza Andrea Dizon, dakong alas-9:00 ng gabi nang ikasa ng mga operatiba ng SDEU sa pangunguna ni PSI Chua ang buy bust operation kontra kay Reyes sa kahabaan ng Tamban St., Brgy. 20, Caloocan City.
Nang iabot na ng suspek ang isang plastic sachet ng shabu sa pulis na nagpanggap na buyer kapalit ng P300 marked money ay agad itong inaresto.
Nakuha sa suspek ang pito pang plastic sachet na naglalaman ng hinihinalang shabu at ang P300 buy bust money. VICK TANES
