TULAK TIMBOG SA BUY BUST

ARESTADO ang tatlo umanong tulak ng ile­gal na droga sa isinagawang drug buy-bust operation ng mga pulis sa Navotas City, kahapon ng madaling araw.

Kinilala ni Navotas Police Chief Col. Rolando Balasabas ang mga naarestong suspek na si Christopher Criste, 25, Aldrin Robles, 31, at Basillo Castillo, 30, pawang ng Brgy. Tangos South.

Batay sa ulat, bandang ala-1:50 ng madaling araw nang isagawa ng mga ope­ratiba ng Station Drug Enforcement Unit (SDEU) sa pangu­nguna ni PLt Charlie SJ Bontigao ang buy bust ope­ration kontra sa mga suspek sa S. Roldan St., Brgy. Ta­ngos South, sa koordinasyon sa PDEA matapos ang surveillance operation.

Nang tanggapin ng mga suspek ang P300 marked money mula sa isang pulis na nagpanggap na buyer kapalit ng isang sachet ng shabu, agad sumugod ang back-up na mga ope­ratiba at sinunggaban ang mga ito.

Narekober sa mga suspek ang 17 plastic sachets ng hinihinalang shabu na tumitimbang ng 4.2 gramo at buy bust money. EVELYN GARCIA