UNANG SEMIS WIN SA SEA LIONS

PILIPINO Mirror

Mga laro bukas:
(Paco Arena)
2:30 p.m. – NU-Sta. Elena vs Navy
5:30 p.m. – VNS vs Cignal

DINISPATSA ng elimination round topnotcher PGJC-Navy ang VNS-One Alicia, 25-23, 25-22, 25-22, para sa kanilang unang semifinals win sa Spikers’ Turf Open Conference kahapon sa Paco Arena.

Hataw si Greg Dolor ng 2 blocks para sa 20-point outing, habang umiskor si Jao Umandal ng 12 points, kabilang ang match-clinching kill na kumumplero sa paghahabol mula sa 12-16 deficit, na sinamahan ng 15 receptions.

“Siguro itong laban namin, medyo pangit ‘yung laro namin ngayon, pero naipanalo,” sabi ni PGJC-Navy coach Cecille Cruzada matapos ang one-hour, 30-minute contest. “Nawalan kami ng first receive talaga at tsaka parang hindi nag-synchronize yung blockings namin kaya medyo nawala kami.”

Pumalit kay Ronniel Rosales na nagtamo ng injury sa first set, si Jemmy Entig ay nag-ambag ng 9 points para sa Sea Lions.

“Si Entig, malaking tulong din kanina kasi gumana siya. Masaya ako kay Entig kasi nag-step up siya,” ani Cruzada.

Susunod na makakasagupa ng PGJC-Navy, na nagwagi ng limang sunod, ang NU-Sta. Elena bukas.

Related posts:

SEA LIONS SOSYO SA NO. 2 SA SPIKERS’ TURF SOLO LEAD PAG-AAGAWAN NG HD SPIKERS, GRIFFINS SPIKERS’ TURF: SEMIS AASINTAHIN NG GRIFFINS choco muchHD SPIKERS NAKABAWI SPIKERS’ TURF: CIGNAL, PGJC-NAVY AGAWAN SA HULING FINALS BERTH SPIKERS’ TURF: SEMIS WINALIS NG NATIONALS VolleyballSPIKERS’ TURF OPEN CONFERENCE TAMPOK SA PSA FORUM choco muchCIGNAL BALIK-HARI SA SPIKERS’ TURF