WANTED NA NEW ZEALANDER NASUKOL NG BI

NAARESTO ng Immigration agents ang isang New Zealand national na wanted sa kanyang lugar dahil sa kasong dalawang counts ng sexual abuse o pagmomolestya ng mga kabataan.

Ayon kay BI Commissioner Jaime Morente, kinilala ang  puganteng si Kiwi alyas Alan James Linton,  na naaresto noong Agosto 23 sa kanyang bahay sa Sugarland Subd., sa Valencia City, Bukidnon.

Sinabi ni Acting BI Intelligence Division (ID) chief Fortunato “Jun” Manahan Jr. na nahuli si Linton ng Immigration agents makaraang ipagbigay alam ng New Zealand police ang kinaroroonan nito sa Filipinas.

Si Linton ay may dalawang conviction ng sexual abuse  dahil sa pangmomolestya ng mga bata sa kanilang lugar,  kaya ayon pa kay Manahan  ay banta si Linton sa seguridad ng mga kabataan sa bansa.

Si Kiwi ay nakakulong sa BI detention center sa Bicutan, habang naka-pending ang kanyang deportation order sa tanggapan ng BI Board of com-missioner sa  Intramuros, Manila.

Samantala, bumagsak din sa kamay ng  Immigration agents sa lalawigan ng Samar ang dalawang  Chinese nationals matapos maaktuhan na nagbe-benta ng mga goods nang walang working permit at visa.

Nakilala ang dalawang Tsino  na sina Wu Zhijie, 26 anyos  at Wu Jiajiang, 51 anyos  na  nahuli sa  Catbalogan City, Samar.

Agad na dinala ang dalawang dayuhan sa BI detention Center sa Bicutan  habang pinoproseso ng BI Board of Commissioner ang kanilang mga deportation order. FROI MORALLOS