WORKING STUDENT  NAGING UNIVERSITY DEAN NATIONAL WINNER NG 2019 IDOLS NG TESDA

SI Dr. Richie ‘­Ching’  L. Montebon, 28, ng  TESDA Region Vll ang itinanghal na National Winner sa katatapos na  2019  Idols ng TESDA, Wage-Employed Category.  Siya’y  college dean ng University of Cebu at instructor.  Siya rin ang  tumanggap ng Batang TESDA! TESDA Best! Special award.   Si  Dr. Ching ay  holder ng anim na tech-voc qualifications  na kinabibilangan ng NCs Events Management Services, Housekeeping, Bread and Pastry, at Production, Cookery at Driving.

Si Ching, ay lumaki sa Tuburan, Cebu.  Siya’y pangalawa sa anim na magkakapatid.  Isang maintenance personnel ang kanyang ama at simpleng maybahay ang kanyang ina.  Ang natamong mga tagumpay ay dala ng  kanyang determinasyon at pagsisikap na maabot ang mga pangarap si­mula pa pagkabata. Na­ging masigasig siyang mag-aaral at ipinakita ang kanyang leadership skills simula elementarya  hanggang high school sa Tuburan Central School at  Tuburan National High School.

Dahil sa limitadong budget ng pamilya, hindi na makapag-aral si ­Ching sa kolehiyo,  su­balit  bago pa siya magtapos, bumuo na siya ng kanyang  ‘blue print” kung paano ito ipagpapatuloy sa pamamagitan ng pagiging working student. Napilitan siyang lumayo sa pamilya at  nagtungo sa Cebu City para maisagawa ang nasabing  plano.  SY-2007-2008,  nag-enroll siya sa University of Cebu at kumuha ng 2-year Associate in Hotel and Restaurant Management (HRM) course, sa  ilalim ng Ladderized Education Program (LEP) ng TESDA.   Pumasok  siyang service crew  sa McDonald’s at nag-part-time  bilang Room Attendant sa isang hotel sa Mactan para may panustos sa kanyang pag-aaral.

Nang  matapos ang kanyang two-year course, itinuloy niya ito sa baccalaureate degree, kumuha siya ng HRM.   Naging beneficiary siya ng  ­Pangulong Gloria Scho­larship (PGS) sa ilalim ng LEP.  Pagka-graduate, kinuha  siya bilang empleyado  ng  resort  sa Mactan Island, kung saan siya nag-OJT.  Taong 2012, nang tanggapin nito ang  alok ng kanyang mga naging guro na ma­ging ‘full-time’ faculty member sa University of Cebu-Lapu-Lapu and Mandaue Campus.

Kumuha siya ng kanyang master’s degree na Business Administration major in HRM at natapos ‘with flying colors’  kung saan isa siya sa  mga cum laude noong 2015.  Sa kabila ng kanyang  busy schedules, sumailalim pa rin siya sa  iba’t ibang tech-voc  trainings.   Siya’y Certified Assessor ng mga sumusunod na competencies: Front Office Services – National Certificate ll; Housekeeping Services NC ll, Customer Services NC ll.  Nitong nakalipas na Marso 23, 2019, opisyal siyang na-conferred   bilang  Doctor of Philosophy in Management, na kanyang tinapos sa Cebu Institute of Technology-University.

Sa labas ng academe, patuloy niyang ibinaba­hagi ni Ching ang kanyang mga blessings, isa dito ang   pagbabahagi  ng mga inspirational messages  upang ma-inspire ang mga estudyante  sa kahalagahan ng tech-voc at iba pa.  Dahil sa kanyang mga achievements at qualifications, na-accredit siya  ng Royal Institute of Singapore bilang Technical Trainer Level lll.