YEE SINANDIGAN ANG PANALO NG BOCAUE SA CHOOKS 3X3

SAN FERNANDO, Pampanga – Pinangunahan ng beteranong si Mark Yee ang Homegrown Grains Bocaue para sa 21-16 panalo laban sa ARQ Builders-Cebu sa pagsisimula ng Chooks-to-Go Pilipinas 3×3 Invitational tournament kahapon sa Laus Group Events Centre dito.

Sa kabila ng lakas na ipinamalas ng ARQ-Cebu bigmen na sina Frederick Elombi at import Landry Sanjo sa inside play, humirit sa outside shooting ang tropa ni Yee at sa pamamagitan nina Ralph Tansingco at Dennis Santos ay nagawang maitabla ang iskor sa 16-all.

Sa krusyal na sandali, ang karanasan ni Yee ang nangibabaw sa naiskor na krusyal na basket, tampok ang dalawang free throws mula sa foul ng 6-foot-7 Cameroonain na si Sanjo.

Nakauna ang Bocaue sa Pool B ng torneo, na kinikilala ng FIBA 3×3 at pinapatnubayan ng Games and Amusements Board (GAB) sa pamumuno ni Chairman Abraham ‘Baham’ Mitra.

Sa iba pang laro, sinandigan ni Joseph Eriobu ang Pacquiao Coffee Bacolod laban sa Pasay Adam Esli Pasay, 22-14, sa Pool A.

Giniba naman ng magkapatid na Ryan at Nikki Monteclaro ng Pasig Kingpins ang Zamboanga, 21-9, sa Pool C action, habang naisalpak ni Marvin Hayes ang game-winning shot sa huling 17.9 segundo sa panalo ng AMACOR Mandaluyong’s 21-20 kontra Henry Iloka-led RBR Cabiao Nueva Ecija.

Patuloy ang laro sa quarterfinal hanggang Finals kahapon sa torneo na may nakalaang P100,000 para sa kampeon. EDWIN ROLLON

Related posts:

FIBA 3X3: YEE PASOK SA MANILA CHOOKS (Austria to host) FIBA 3X3 OLYMPIC QUALIFIERSIDARAOS SA AUSTRIA FIBA 3X3: MANILA CHOOKS TM UMATRAS SA LIPIK CHALLENGER FIBA 3X3 TOUR SA MANILA, CEBU GILAS WOMEN ‘OLAT’ NA NAMAN SA FIBA ASIA CUP KOREA UMATRAS SA FIBA WORLD CUP QUALIFIERS SA PH PH UMAKYAT SA NO. 18 SA FIBA MEN’S 3X3 RANKINGS GILAS PUSPUSAN ANG PAGHAHANDA SA 2023 FIBA WORLD CUP