3 TUMBA SA ENGKUWENTRO, 8 PA HULI SA BUY BUST

BULACAN – PATAY ang tatlong drug pusher makaraang makipag-engkuwentro sa mga pulis sa  magkakahiwalay na buy bust operation habang walo pa ang nadakip sa lalawigan.

Sa report ni PNP Provincial Director P/Col.Chito Bersaluna kinilala ang napatay na si  Justin Sy y Irinco at Jonathan Anonuevo sa siyudad ng San Jose del Monte at isang  Ferdinand Villar, 40-anyos, alyas longhair ng Brgy. Maasim, San Ildefonso.

Sa report ni  P/Lt.Col. Orlando Castil Jr., naganap ang palitan ng putok sa Blk 49, Lot 24, Area 1, Nuvista Subv., Brgy. Sto. Cristo, ganap na alas-7:45 ng gabi.

Narekober  sa dalawa ang isang improvised shot gun, at 7plastic sachet na naglalaman ng hinihinalang shabu.

Ayon naman kay P/Lt. Col. Voltaire C. Rivera, si Inducil ay kabilang sa listahan ng PDEA.

Nakuha ng Scene of the Crime Operatives sa pinangyarihan ng krimen ang isang cal. 22 revolver at 9 palstic sachet ng shabu.

Habang nadakip din sa Oplan Sita ng mga pulis ang 7 katao mula sa bayan ng Hagonoy, Bocaue at Malolos City.

Nakuha mula sa kanila ang 7 plastic sachet ng shabu at tatlong plastic sachet ng pinatuyong dahon ng marijuana.

Samantala, nadakip din ng Pandi-PNP at CIDG-Quezon City ang isang wanted person sa pamamagitan ng warrant of arrest na inilabas nina presiding  Judge Ace Mariano ng MTC-NCJR branch 43 ng  Quezon City sa kasong  Art 179 ng RPC at Sec. 5(a) RA 9262 at ni Judge Ma. Rita A. Basco ng Branch 99 RTC-NCJR.

Kinilala ang suspek na si Felix Mallupa  Y Austria, 50-anyos, brgy. tanod, ng Phase 3, Brgy. Mapulang Lupa, Pandi. THONY ARCENAL