BULACAN- DAHIL sa pinaigting na combat operation ng militar natunton ang isang safehouse ng Communist Terrorist Group na Kilusang Gerilya ng Narciso Antazo Aramil Command sa Sitio Balwarte, Brgy. San Roque City, San Jose del Monte.
Sa inisyal na report ni 80 Infantry Battalion Scout Platoon 2Lt. Sauza, ganap na alas-7 ng umaga nitong Martes nang matunton ang bahay ni Ka Ronnie Manalo sa nabangit na Sitio.
Nabatid na halos dalawang kilometro ang layo ng safehouse mula sa kabayahan sa naturang barangay.
Ganap na alas-3:30 ng hapon ng marekober ng SOCO ang mga armas at subersibong dokumento.
Nakuha sa tahanan ni Ka Ronnie ang isang Colt Law M16 rifle na may serial number 153670, dalawang magazine ng M16 na may 30 rounds ng mga bala, isang Akar Shotgun na may serial number 122113825 na kargado ng 6 na bala ng 12 gauge shotgun, isang hand granade fragmentation M67.
Kabilang ang bandera at tarpaulin ng KMP-Kilusang Magbubukid ng Pilipinas, isang laptop, flashlight, personal ID ni Ka Ronnie at iba pang mga dokumento ng kilusan.
Nabatid na si Alyas Ka Ronnie ay matagal na nawala sa Barangay San Roque. THONY ARCENAL
Related posts:
107 NPA IBINABA ANG ARMAS SAKA SUMUKO
3 NPA MEMBERS SUMUKO, ARMAS IBINABA
MALALAKAS NA URI NG ARMAS AT PAMPASABOG NADISKUBRE
LIDER NG NPA NALAMBAT NG MILITAR AT PULISYA SA BUTUAN CITY
BULACAN: OUTSTANDING RICE PRODUCING PROVINCE AWARDEE
BULACAN AT DSWD NAGKASUNDO SA DATA SHARING
SUNDALO AT CAFGU HOSTAGE NG NPA
REBELDE SINAMANTALA ANG GIYERA, NAKAPUSLIT