NAGBABALA ang Department of Interior and Local Government (DILG) sa mga local government unit na huwag magbayad o mag-bigay ng pera bilang “permit to campaign fee” sa mga rebeldeng New People’s Army sa darating na halalan.
Kapag sinunod ng mga kandidato ang kahilingan ng NPA ay nangangahulugan na sinusuportahan nila ang terorismo.
Ayon kay DILG Spokesperson Assistant Secretary Jonathan Malaya, ang babala ay para sa lahat ng mga governor, mayor, lalo na sa mga kandidato kaugnay sa pagbibigay ng pinansiyal, material, at political support sa mga NPA ay bunsod sa napaulat na sinusuportahan nila ang naturang komunistang grupo.
Una nang naglabas ng Memorandum Circular 2018-211 si DILG Secretary Eduardo Año na nagpaalala sa lahat ng local chief executives at LGU officials na ang pagbibigay ng suporta sa mga NPA ay paglabag hindi lamang sa Executive Order 733 kundi sa RA 10168.
Nagpaalala ang kalihim na huwag magpaloko at magbayad ng ‘permit to campaign’ o kaya ‘permit to win’ sa mga komunistang grupo na itinuturing ng gobyerno na mga terorista.
Sinabi nitong matagal nang modus operandi ng mga rebelde ang mga permit na ito kung saan humihingi sila ng pera sa mga kandidato kapalit ng umano’y malayang pangangampanya o ang hindi paggawa ng karahasan ng kanilang hanay sa hurisdiksiyon ng kandidato o politico. VERLIN RUIZ
Related posts:
PDA NG MGA KANDIDATO BAWAL (Comelec suportahan,FLAG-MAHARLIKA nanawagan)
(Kapag nakipagsabwatan sa NPA) KANDIDATO MANANAGOT
DILG SA MGA KANDIDATO: MAGING MODELO SA PAGSUNOD SA CAMPAIGN RULES
(Sa pagpili ng kandidato) IGALANG ANG KARAPATAN NG BAWAT ISA – BONGBONG
KANDIDATO NA MANGANGAMPANYA SA SEMANA SANTA MAKUKULONG NG 6 TAON
MGA KANDIDATO, HINIMOK NG OBISPO NA IWASANG MAGPAKALAT NG FAKE NEWS PARA MANALO SA ELEKSIYON
(Sa mga kandidato sa pagka-pangulo at pangalawang pangulo) SISTEMA SA HULING DEBATE BINAGO NG COMELEC
CANVASSING NG MGA KANDIDATO SA PAGKA-PRESIDENTE AT BISE PRESIDENTE SIMULA SA MAYO 24
Comments are closed.