NAKATAKDANG ibalik sa South Korea sa darating na Enero 9 ang mga basurang itinambak sa Misamis Oriental ng Verde Soko Philippines Industrial Corporation.
Tiniyak ni Mindanao International Container Terminal Collector John Simon na nasa P11-milyon ang magagastos ng South Korean government para maalis ang libo-libong tonelada ng basura na nakaabot na sa bayan ng Tagoloan sa Misamis.
Naghanap na rin ng shipping lines na magkakarga sa 51 container vans ng mga basura.
Magugunitang ipinatawag ng South Korean officials, kasama ang ibang ahensiya ng gobyerno ang ilang opisyal ng Verde Soko para mapabilis ang pagpapabalik ng mga basura sa South Korea.
Ayon kay Provincial Board Member Gerardo Sabal, humingi ng tawad ang mga opisyal ng South Korea matapos makita ang laman ng sinasabing mga basura.
Sinabi pa ni Sabal na nakita mismo ng mga opisyal na ang sinabi ng Verde Soko na plastic flakes ay mga waste materials na mapanganib.
“Sabi nila they are very embarrassed at they are very sorry,” dagdag ni Sabal.
Nakalabas na sa mga container ang mga basura at kailangan pang i-repack bago i-ship pabalik sa South Korea.
Una nang kinuwestiyon ng Bureau of Customs kung bakit nakalabas sa MICT ang basura mula South Korea noong Hulyo kahit na misdeclared ito. NENET V
Related posts:
BASURA NG HONG KONG SA PINAS HAHAKUTIN
FACE MASKS, IHIWALAY SA BASURA -DENR
PROTEKSIYON SA KOLEKTOR NG BASURA, ISINULONG NG DENR
BASURA SA PH AABOT SA 16.6-M MTERIC TONS
WASTE SEGREGATION HIHIGPITAN SA MAYNILA
BASURA PRAYORIDAD NG DENR
BASURANG BAHAY NA NAPUPUNTA SA DAGAT DELIKADO
6,000 KILOS NG BASURA NAKOLEKTA SA BAYWALK
Comments are closed.